عزت النفس

ينجرح قلب.. لكن ترتفع هامه
والله اني لاموت ولاانحنى راسي


لو رماني زماني وسط..دوامه
العواصف شديده .. والجبل راسي


أنقل الحزن وامشي منتصب قامه
قاسي الوقت .. لكني بعد قاسي


واسمع الحلم يصرخ لحظه اعدامه
رابط الجاش ... ماهز الخبر باسي


عزتي غاليه ..والناس سوامه
قلت ماابيع حتى تقطع انفاسي


زانت ايام عمري .. شانت ايامه
مارجيت العزى من رحمة الناسي


من عجز لايدوس الهم باقدامه
لازم انه مع الايام ينداسي


يندمل جرح القلب ..ماتت احلامه
بس ما اظن يبرى جرح الاحساسي


يوم صارت مابين القلب والهامه
وش ابي بالحياة الياانحنى راسي


الشاعر:
مساعد الرشيدي

احلى قصيده بنظري تعبر عن مستوى عزت النفس لدى الروح البشريه

اقتباس :

أنقل الحزن وامشي منتصب قامه
قاسي الوقت .. لكني بعد قاسي

عزتي غاليه ..والناس سوامه
قلت ماابيع حتى تقطع انفاسي

ابيـــــــات في قمة الروعه..اهم شي عند الانسان كرامته وعزة نفسه..

----------

من عجز لايدوس الهم باقدامه
لازم انه مع الايام ينداسي

----------

تسلم اخوي سفير عالنقل الاكثر من رائع..

-- لوله --