من زود حبي لها سميتها باسمها.....

(القصة كويتيه)

تعريف بالعائلات:.
العم الكبير عبدالعزيز متوفي وعنده:.جاسم- وحمد ومي بالجامعه
العم عبدالله:.معتز متزوج من سهام -وعبدالاله يشتغل- وابراهيم خلص جامعه -ومريم بالجامعه{ وسلطان متوفي**
العم عبد الرحمن:.عبدالله متزوج من لولوه ريم متزوجه وعندها لمى بثالث اعدادي منيره متزوجه من عادل- مشعل- نوره مخطوبه لناصر-فيصل مخلص جامعه- رند بالجامعه.
إبراهيم شاب يدرس في استراليا وسيم ومملوح هذي اخر سنة له بالدراسة واليوم انشاالله بيرجع ديرته .
رند(بنت عم ابراهيم)مملوحة جدا واهي احلى البنات في عيلتهم وهي في سنة ثاني جامعة .
رجع ابراهيم ومحد كان يدري إلاجاسم (ولد عم ابراهيم ورند)و فيصل(اخو رند) وهذولا الثلاثة (ابراهيم وفيصل وجاسم اخوان من الرضاعة)وعلاقتهم قوية ببعض . حب ابراهيم انه يسوي مفاجئة للجميع عشان كذا ما علمهم برجعته وخصوصا امه . جاسم وصل ابراهيم للبيت وراح للرجال . رن ابراهيم الجرس وراحت مريم(اخت ابراهيم) تفتح الباب تظن انه المطعم فتحت الباب ومدت الفلوس وماشافت إلا ذاك الي طب عليها وصرخت من روعتها ولمت اخوها وجلست تصيح من فرحتها برجعت اخوها وخصوصا انها ما تحب الغربة وجات امه اللي ماتحملت الصدمة خذته بحظنها وقعدت تحبه وتصيح . وجا ابوه وراح وياه المجلس عشان يسلم على اعمامة وعيال اعمامه واول مادخل ابراهيم قام لتصفيق والتصفير لانهم كلهم فرحانين بجيته بعد طول هالمده
بعد رجعته بحوالي اسبوعين كانو رايحين المزرعه وكانت الرحله حلوه
في بيت اهل رند توها نازله من دارها وبتروح تجلس يم اخوانها وابوها (هذا لوكانو موجودين) الا بجرس التلفون يرن وبصوت خلها ترتاع رفعته وبصوت ناااااااااعم:.الو
..........:.السلام عليكم
رند:.وعليكم السلام
...:.موهذا بيت حصه ام عبد الله؟
رند:.اي منومعاي؟؟
....:.انتي رند؟
رند باستغراب:.اي بس منو معاي؟؟
.....:. امتش هني؟
رند:. أي مين اقولها؟
........:.قولي لها ام اسامه
رند:.دقيقه
راحت رند ونادت امها وكلمّت وكانت ام اسامه بتخطب رند لولدها اسامه ويبغى اسامه انه يشوف رند قبل مايملّك عليها ...فوافقت رند موافقه مبدأيا لحد ماتشوفه ويشوفها وبعدين بتقرر انتشر الخبر في العيله ولكل فرح ان رند البنوته الصغيرونه بتتزوج وبتصير ام .
اليوم بيجي اسامه علشان يشوف رند
عند الشباب:.
كانو كلهم مجتمعين في المزرعه وابراهيم توه جاي وجاسم مابعد يجي. في جلسة ابراهيم انتبه ان كل من دخل احد وسلّم على عبدالله باركله فما لقى احد يساله غير سعود (واحد من اهله)
ابراهيم:.اقول سعود شسالفه؟..!
سعود:.اي سالفه؟
ابراهيم:.شسالفتهم يباركون لعبد الله !
سعود:.ليش مادريت؟
ابراهيم:.لا شنو؟
سعود:.رند انخطبت وكاني سمعت ان اليوم شوفتها
ابراهيم حس وكان احد صب عليه ماي حار وانقلب لون وجهه الابجية جاسم فحس ان ابراهيم مو طبيعي راح وجلس يمه علشان يعرف اهو شفيه بالضبط.
جاسم بصوت واطي:.ابراهيم اشفيك؟
ابراهيم:.جاسم انا ماقدراجلس يلا قوم
جاسم:.انزين هدّي لحد ينتبه علينا
قام جاسم وبعده ابراهيم واستاذنو وطلعوا
جاسم:.ابراهيم لاتسوق جيب انا بسوق لاتودينا احين في داهيه
اركبو السياره ومازال ابراهيم معصب ومتنرفز
جاسم:.وين تبي تروح؟
ابراهيم بعصبيه:.ودني البحر
راحو البحر ونزل ابراهيم وجلس يم البحر وكان ضام ارجوله ومنزل راسه
جاسم:.ابراهيم اشفيك؟ شسصاير؟
ابراهيم:.جاسم انت تدري ان رند انخطبت!
جاسم:.اي ادري يقولون ان اليوم شوفتها
ابراهيم:.بس انا احبها
جاسم:.ليه انت وين شفتها علشان تحبها؟
ابراهيم:.يوم احنا كنا في المزرعه انا شفتها وعجبتننني
جاسم بهدوء:.طيب
ابراهيم اشوي وينفجر:.جاسم انا احبها احبها احبها

معـذور أحـبـك..لا تقولـيـن غلـطـان
وشلـون مـا أحبـك وشوقـي ذبحـنـي
من قبل أعرفك كنت سالي لي أزمان
إيليـن شفتـك فــز قلـبـي وفضحـنـي
قولـي لهـم هـو حبنـي يـووه بجنـان
وقولي أحبه مـوت لـو هـو جرحنـي
من أول أنصح كـل عاشـق وولهـان
واليـوم أحـارب كـل منهـو نصحنـي
مجنـون أحبك..لـو تقوليـن غلـطـان
والقلـب قلبـي لــو غـرامـك ذبحـنـي
عند رند
جاء اسامه واهله وكانت رند لابسه وجاهزه حولت رند سلمت على ام اسامه ودخلت المجلس عند اسامه وتمت حوالي نصف ساعه وبعدين طلعها ابوها .
في الليل
رند كانت حزينه بالمره وتمت على هالحال يومين لاتاكل ولا تشرب ولا شيئ وكلا سرحانه وكانت امها وابوها واخوانها ملاحظين هاشيئ
عبد الرحمن:.اقول حصه الا شفي رند؟
حصه:.والله مادري عنها!
عبد الرحمن:.كان سالتيها يمكن اسامه موعاجبها
حصه:.يمكن ليش لا؟
عبد الرحمن:. اجل قومي ساليها مايصيرحرام نتركها جذي
حصه:.طيب
قامت حصه ورقت لرند في دارها ولقتها جالسه على السرير وبيدها مجله
الام:.رند..رند...رند
طبعا مافي امل ترد لانها غارقه في السرحان لحد ماحركتها امها فصرخت من الروعه وقامت تصيح..
الام بخوف:.يمه بسم الله عليتش الرحمن الرحمن اشفيتش؟
رند واهي تمسح دموعها:.مافيني شيئ بس اخترعت
الام:.رند ابغى اتكلم وياتش بالموضوع !
رند:. تفضلي
الام:.انتي تبين اسامه؟
رند:........
الام:.اشفيتش ردي؟
رند بقوه:.لا
الام:.ممكن اعرف ليش؟
رند:.يمه انتي ما شفتي الفرق اللبيني وبينه انا مملوحه واهو ابيض وع انا طويله واهو قزم موبس قصير انا ضعيفه واهو استغفر الله سمين امانتش يمه مالاحظتي؟
الام تضيع السالفه:.مادري بس انتي تبينه ولا لا؟
رند: لا
الام:.متاكده
رند :.ايه
الام:.خلاص اجل بقول لابوتش يكلم ابوه ويعلمهم انتش رفضتي اسامه
رند والفرحه شاقه حلجها:.صج والله
الام:.اي يلا تبين شيئ؟
رند:.لا
اطلعت امها من الغرفه ورند ميته من الوناسه انها قالت حق امها انها ماتبغى اسامه فراحت توضت وصلّت علشان تشكر ربها وعلى طول نامت.
اليوم الثاني الصباح
كان فيصل ومشعل مع ابوه وامه في الصاله
الام:.سوزي
سوزي:.يس مدام
الام:.نادي رند وقولي لها تحول تحت
راحت سوزي غرفة رند وصحتها من النوم وقالت لها علشان تحول واهي على الدرج سمعت امها
الام:.عاد اول ماتنزل على طول قولها علشان تفرح
من الفرحه لما سمعت الخبر واهي تنزل من على الدرج طاحت وتكرفعت فقامو لها بسرعه وساعدوها واهي تصيح لان رجلها تعورها فشالها مشعل وفيصل واثناء شيلتهم لها طاحت مغشي عليها *معقوله كل هذا بسبب اسامه؟............؟......؟
عند ابراهيم
ليت لي قلب يتحمل غيابك
وفي غيابك ليت لي عين تنام
ولو خذاك الليل وياه وسرابك
من يقول النوم يخفيه الظلام
كل ما فيني يحن لكل ما بك
وانتظر منك لو يجي لي سلام
وش عليه القلب لو مات وحيابك

ابراهيم حالته مايعلم بها الا الله كان جالس على البلكونه دخل عليه جاسم وراحله.
جاسم:.انت اشفيك؟
ابراهيم قام من مكانه ودخل الغرفه:.جاسم رند انا احبها ولازم اخطبها من عمي لازم
جاسم:.ابراهيم استخفيت انت شقاعد تقول اكيد منت بالصاحي اترك عنك هالكلام بس وروح شوف نفسك بالمرايا طالع وجهك شلون صاير يحوم الجبد صاير كانك ارهابي
ابراهيم: انا الحين بروح اخطبها
جاسم:.ابراهيم.....ابراهيم....
نزل ابراهيم واهومو مهتم من احد همه الوحيد اهو رند وبس واهو يمشي بالشارع صقع كتفه بكتف واحد...
.....:. هي انت ما تطالع
ابراهيم:. اسف مادري
وتوه بيمشي الا مسكه ذاك من ثيابه وطاح فيه طق بشكل غير طبيعي لان هذا الشخص مايرضى احد يدوسله على طرف حتى لوعلى اقل الاشياء طبعا ابراهيم على رغم قوته حاول يدافع نفسه بس ماقدر وطاح على الارض تجمعوالناس عليه اماجاسم ومعتز وعبد الاله كانو واقفين عند البلكونه ولما شافو هالجمعه جاسم حس ان ابراهيم اهو الي مجمعين عليه فحول بسرعه وراحو يمه الابجية الشرطه وسيارة الاسعاف الي شالت ابراهيم واخذت الشرطه الرجال وراحو المستشفى
في المستشفى
كان جاسم و وعبد الاله ومعتز وحتى ابو ابراهيم جالسين بره ينتظرون الدكتور يطلع ويطمنهم عن حالة ابراهيم
ابراهيم كان عنده نزيف بس الحمدالله قدروا يوقفونه لاكنهم طولوا وبكذا زاد الخوف عند جاسم لانه اهو الي يدري عن حالته
*واخيرا طلع الدكتور وقاموله على طول بسرعه
جاسم:.ها دكتور بشّر
الدكتور:.مين حضرتك؟
اماعند رند فأهلها كانو ينتظرون بره وكانو خايفين عليها بالمره
رند توها صاحيه من الطيحه وقعدت تصيح واهي ماسكه رجلها
الدكتور:.هاه اشلونتش الحين؟
رند واهي تصيح:.رجلي آه..آه رجلي
طبعا الدكتور مافهم ولا شيئ من كلامها
الدكتور:.د- ميساء ممكن تنادين اهلها؟
طبعا اهي ماصدقت على الله وطلعت على طول راحت لمشعل لانه كان عاجبها
ميساء:.لو سمحت انت اخو رند؟
مشعل بخوف:.ايه ليه رند فيها شيئ؟
ميساء:.تقدرون تدخلون لها اهي صحت
دخلو كلهم بسرعه طبعا بعد فحص الدكتور اتضح لهم ان رند عتها كسر في رجلها اليسرى وبعض الزلعات {اللمبات** وحده في جبهتها خفيفه وفي لحيتها وفي يدها وكانوحاطين لها شاش ولزقه
الام:. رند شلونتش؟
رند:.يمه ريلي ريلي تالمني
اخذها الدكتور وجبّر لها رجلها قام ابوها وترك رند مع امها واخوانها علشان يتطمن على حالة رند
واهو رايح للدكتور شاف اخوه عبد الله والشباب واقفين مع دكتور
عبد الرحمن قاطعهم:.سلامات شفيكم؟
جاسم يكلم الدكتور وياشر عليهم:.هذا ابوه وهذولا اخوانه وهذا عمه وانا اخوه
الدكتور :.لا سليمه انشاء الله بس هو عنده كسر بيده اليسرى ومن النوع الخطير
طبعا جاسم عرف ان هذي تصريفه من الدكتور
عبد الاله:.طيب نقدر نشوفه؟
الدكتور :.احنا مابعد ننقله الغرفه تقدرون تدخلون له لحد ماينقلونه
دخلو عيه واول مافتح عيونه قال رند ولاكن بصوت واطي حتى جاسم مانتبهله وفتحهم مره ثانيه وقال رند...رند..هالمره انتبه جاسم وحتى عمه عبد الرحمن انتبهله
عبد الرحمن في نفسه:. غريبه شفيه ينادي رند؟؟؟؟..........!
جاسم حس ان عمه انتبه لكلام ابراهيم فحاول يظيع السالفه
جاسم:.عن اذنكم يا جماعه اشوي وراجع
طلع جاسم وراح حق الدكتور لانه خاف على ابراهيم يكون صار شيئ لعقله دق الباب ودخل
جاسم: السلام عليكم
الدكتور:.وعليكم السلام تفضل
جلس جاسم:.دكتور ابراهيم شفيه؟
الدكتور:.يا اخ...........
جاسم:. جاسم
الدكتور:.يا اخ جاسم ابراهيم كان عنده نزيف والحمد الله قدرنا نوقفه وهذا يدل على انه من زمان ماكل شيئ وهذا ابدا موزين للي حالته جذي
جاسم:.دكتور انا ماابغى ابوه يدري عن النزيف وحتى ان اسالك قوله ان عنده كس بيده اليسرى وسوءتغذيه بس لاته مايحب احد يعرف انه مريض و..
الدكتور:.انشاء الله
طلع جاسم واهو قاعد يمشي شاف فيصل و مشعل ومعهم مرت عمه ومعهم وحده ماقدر يعرفها لان وجهها متغير اشوي بسبب الصياح واللزق الي في وجهها وراح لهم
جاسم:.سلامات.... سلامات
مشعل وامه: الله يسلمك
فيصل :.خير جسوم شفيك جاي المستشفى عسى مافي الاهل شيئ؟
جاسم:.لافينا شيئ بس ابراهيم تعب اشوي وجبناه المستشفى
حصه:.عسى مافيه شيئ جايد
جاسم: لا بس كسر في يده الا سلامات يارند ماتشوفين شر
رند بصوت مبحوح:.الشر مايجيك
فيصل:.اجل انطرنا اهني بندخل رند وبنجي معك.....دخلّوا رند غرفتها ويوم جات تقوم من على الكرسي علشان تنام على السرير كانت بالتطيح لو ما ان فيصل لحق عليها مع السستر وحطوها على السرير.
رند:فيصل
فيصل:.نعم
رند:.فيصل خلها تشيل هاللزق من وجهي
فيصل:.ليه خليهم؟
مشعل:.صاير شكلتش حلو هههههه
رندبعصبيه:.يمه خليها تشيلهم
الام:.انشاء الله
جات السستر وشالتهم وبعدين استأذنو واطلعو
جاسم كان غرقان في السرحان:.معقووله ....معقوله ابراهيم الي مايهزه شيئ هزه حبه لرند وسوا فيه جذي ابراهيم الي كان مثل الجبل الي مايهزه الريح هزته رند بالهسهوله آآآآه يالله على هالدنيا تاخذ ولا تعطي الله لو يدري ابراهيم ان رند معه في المستشفى والله لا يستخف ولا بطير عقله هههه
فيصل ومشعل كانو من زمان ينادون جاسم واهو موحاس بشيئ ابد
فيصل واهو يحرك كتفه:.هي جسوم وييين وصلت؟
جاسم:.هاه لا معاكم
مشعل:.وين معانا اقول هذا وانت موخاطب ولا عندك عيال وتسوي جذي بعد؟
جاسم:.كان شفتوني كلا مفهي وفاتح فمي
كلهم:.ههههههههههههههههههههههههه
راحو حق ابراهيم لانه الى الان مابعد ينقوله غرفه خاصه وتوهم بيدخلون الا بطلعة ابو عبدالله وابو معتز
ابوعبدالله:.هاه مشعل شلون رند؟
مشعل :.انشاء الله احسن
ابو عبدالله:.كم رقم الغرفه؟
مشعل:915
ادخلو الشباب حق ابراهيم وكان صاحي فراحله على طول جاسم وكلمه في اذنه
جاسم:.ياشاطر ترى رند هنا بالمستشفى مريييضه!
ابراهيم سمع اسم رند وشهق .....اما جاسم فكان ناقع من الضحك على شكل براهيم
مشعل :.جسوم شسويتله؟
جاسم واهو يضحك:.قرصته
فيصل:.ليه حرام عليك شنو مسويلك؟
جاسم:.والله يستاهل علشان يتأدب ومايعيدها مره ثانيه ابد
*الساعه 12 الظهر ام معتز كانت متشاغبه على ابراهيم واييييد لانها تدق على جواله مقفل وراحت غرفته ولا شافته مالقت الا جاسم فدقت عليه
جاسم:.هلا والله
ام معتز:.هلا بك شلونك وشلون الوالده؟
جاسم:.الحمد الله بخير
ام معتز:.ابراهيم يمك؟
جاسم:.هاه ..اي..دقيقه
جاسم حاط يده على الجوال علشان ماتسمع:.هذي امك شقول لها
معتز:.جيب انا بكلّمها............هلا والله بهالصوت
امه:.هلا فيك شلونك وشلون مرتك؟
معتز:.بخير عساتش بخير
امه:.الحم الله الاّ ابراهيم وينه؟
معتز:.يمه انتي يوينتش؟
امه:.انا توني راجعه من بيت خالتك سعاد
معتز:.اجل تزهبّي وهذني يجي اخذك طيب
امه:.ليه وين بنروح؟
معتز:.علشان تجين حق ابراهيم في المستشفى
امه بخوف واشوي تصيح:. ليه ....اشفيه.....وينه؟
معتز:.مافيه الا العافيه اخذي كلميه
معتز:.ابراهيم كلّم امي
ابراهيم :.هلا يمه
امه:.شفيك يايمه شسصارلك؟
ابراهيم:.الحمدالله جات سليمه
امه:.علمني شسصار لك؟
ابراهيم:.ماكو شيئ بس وانا ماشي بالشارع دزيت واحد وتهاوشنا
امه:.انت باي مستشفى؟
ابراهيم:.مستشفى.......
عبد الاله:.قولها هذني بجي اخذها
ابراهيم:.يقولتش عبد الاله هذوهو بيجيتش
امه:.طيب لايتاخرهذني انطره يلا مع السلامه
عبدالاله:.هاه تبيني اجيبلك شيئ؟
ابراهيم:.ابي ملابس والعده
*طلع عبد الاله وبعدها برع ساعه انقلو ابراهيم الغرفه الخاصه به ومن حسن حظه ان الغرف كانت يم بعض
واهم جالسين بالغرفه كانو كلهم ساكتين وابراهيم سرحان مع الحبيبه ولكن اخيرا تكلم
ابراهيم:.اقول فيصل اشفيكم جاييين المستشفى عسى ماشر؟
فيصل:.رند اتعبت شوي وجبناها
ابراهيم باهتمام:.ليه اشفيها؟.
فيصل:.كل ذا من قلت الاكل
ابراهيم:.عسى ماصار لها شيئ
فيصل ومشعل:.هههههههههههههههههههههه
لانهم تذكرو شكل رند والشاش الي في وجها
ابراهيم يقول في نفسه:.صج انكم حمير قاعدين تضحكون على حبيبتي لا والي يقهر ان اخوانها الي يضحكووووون خوش والله
ابراهيم:.خلصو تكلمو شصار لها؟
فيصل:.ههه لمبتين في وجهها هههههولمبه في كوعها وكسرفي رجلها الرابعه هههههههههههههههه
ابراهيم باستغراب:.كسر في الرابعه يعني شلون؟
مشعل:.شنو يعني شلون اللمبه الرابعه كسر في رجلهااليسار فهمت؟
ابراهيم:.اي الحمدالله على سلامتها
فيصل ومشعل:.الله يسلمك
ابراهيم رجع يفكر في حبيبته دخل عليه عبدالرحمن واهو موحاس باحد
عبدالرحمن:.هاه ياوليدي شلونك الحييين؟
ابراهيم:.الحمدالله انشاء الله احسن
عبدالرحمن:.الحين انت شصارلك
ابراهيم:.ماكو شيئ بس كسر في يدي اليسرى
عبدالرحمن:.اجل ليه طحت مغمي عليك؟
جاسم:.من قلت الاكل ياعمي
عبد الرحمن:.اسمع يا ابراهيم انت رجال من بصغير موعدله كل اشوي الرجال يطيح سااااامع
ابراهيم:.انشاء الله ياعمي
عبدالرحمن:.الا اهلك وينهم؟

ابراهيم:.عبد الاله راح يجيبهم
اشوي الا بجيه اهل ابراهيم فاخذ عبد الرحمن الاولاد وطلعو برا.
فيصل:.يبه انا بروح البيت تجي معي؟
عبد الرحمن:.ليه شعندك؟
فيصل:.الشباب بيطلعون وانا بروح معهم
عبد الرحمن:.روح وانا بخلي مشعل يودينا
داخل غرفة رند كانت هي نايمه وحتى امها رن جوال حصه وقامت
حصه بصوت واطي:.هلا نوره
نوره:.هلا يمه وينكم جيت البيت ماكو احد؟
حصه:.احنا بامستشفى مع رند
نوره بخوف:.لـــــــــــــــــــــــــــــــــــيه شفيها؟
حصه:.طاحت علينا اليوم الصبح وجبناها
نوره:.اي مستشفى؟
حصه:..........يلا مع السلامه
مشعل:.يبه امي ورند نايمين
نوره:.السلام عليكم
اثنينهم:.وعليكم السلام
نوره:.يبه شلون رند؟
الاب:.الحمدالله
مشعل كان واقف يم باب الغرفه وتوها نوره بتدخل
مشعل:.امي نايمه وهم رند نايمه
نوره:.وانت شعليك؟
مشعل:.يوه ناس نايمين ليه تزعجينهم؟
نوره:.يبه شوف ولدك؟
الاب:.مشعل اتركها روحي نادي امتش خلينا نمشي
دخلت نوره وصّحت امها وراحوا مع مشعل وتغدو لانها حزة غدا
فيصل دق على عبدالله علشان يعلمه ان رند في المستشفى
عبدالله بصوت عالي بعد مارفع الجوال:.لولوه .....لولوه..يلا عاد برد الغدا
فيصل بصوت اعلى:.عبود...عبود..عبيد وصمخ
عبدالله:.خير اشتبي؟
فيصل:.وانا مادق عليك الا مشغوووووول
عبدالله:.والله ماحد قالك تدق علي وبعدين انت دائما تدق في اوقات غلط
فيصل:.اصلا مين قالك اني ابغى ادق عليك بس شسوي ابوي الي قالي ادق عليك!
عبدالله:.خير شفيه ابوي؟
فيصل:.ترى رند في المستشفى منومه
عبدالله بخوف:.ليـــــــــــــــــــــــــــــــــــــــــه شفيها؟
فيصل:.طاحت اليوم علينا الصبح ونقلناها المستشفى
عبدالله:.وانت ماتدق الا باشياء تعورالقلب....في أي مستشفى؟
فيصل:.في مستشفى.....
عبدالله:.طيب يلا بااي
فيصل:.اسمع حتى ابراهيم ولد عمي عبدالله
عبدالله بملل:.اشفيه بعد؟
فيصل قاله على الي صارله وسكرمنه
الليل
راح عبدالله ولولوه واول مادخلو دق عبدالله على فيصل
فيصل:.نعم اشتبي؟
عبدالله:.نعامه ترفسك
فيصل:.وترفسك اشتبي؟
عبدالله:.يا قليل الحيا انا اخوك الجبير ليه ماتحترمني؟
فيصل:.والله احترم غيرك علشان غيرك يحترمك
عبدالله:.انزين فكنا كم رقم غرفة رند؟
فيصل:. 915
سكر عبدالله واخيرا بعد مشي طووويل وصلوا غرفة رند وكان في السيب جاسم
عبدالله:.لولوه روحي حق رند وانا بروح لجاسم وبجي
جاسم:.هلا والله
عبدالله:.هلا بومحمد(لقبه)شخبارك؟
جاسم:.تمام الحمدالله على سلامة رند
عبدالله:.الله يسلمك الا تعال وين غرفة ابراهيم؟
جاسم:.هذي الي مقابله لغرفة رند
عبدالله:.والله زين حطوهم يم بعض
جاسم في نفسه لايكون يدري عن شيئ الله يستر:.ليه؟
عبدالله:.علشان الواحد مايخربط بالغرف ويدخل غرفة غيره
جاسم:.ههههه الله يقطع سوالفك يا عبود
عبدالله:.يلا عن اذنك
جاسم:.وين ادخل؟
عبدالله:.لا بروح حق رند لا تزعل علينا
جاسم:.اجل اذا طلعت تعال
عبدالله:.اوكي
دخل عبدالله غرفة رند واهو يضحك فلما اسئلوه قالهم على السبب والي اهو ان الغرفتين كانو قبال بعض وهذي صدفه حلوه واول مره تصير
بعد ساعتين
تجمعت العيله كلها الشباب عند ابراهيم والبنات عند رند وماكانو مسببين أي ازعاج نهائيا لان ماعندهم أي اطفال واصغرهم بنت ريم لمى .كانت الجلسه على كلا الطرفين وخصوصا عند ابراهيم لان جمعة الشباب وضحكهم وتعليقهم نسوه اشوي من همومه.
الساعه 12 بالليل
كلا الغرفتين خلت من الاهل في غرفة رند كانو الباقين:.حصه ومشعل وعبد الرحمن ونوره
نوره:.يمه خلاص روحي وانا بجلس هني معها
حصه:.لا انتي روحي البيت وديري بالتش على اخوانتش وابوتش
نوره:.يبه قولك كلمه؟
رند:.يمه خلاص انتي روحي البيت وخلي نوره انتي معي من الصبح
عبدالرحمن:.يعني لازم ياحصوص تدلعين!
حصه:.اي معليه يادحوم خلني ادلع وانت شعليك؟
مشعل:.اقول يلا خلونا نمشي قبل ماتنقلب السالفه جد يلا باااي
رند:.تصدقين نوره احس ان بيصير شيئ انا مومرتاحه
نوره:.ليه يالمتش شيئ؟
رند:.لا بس مادري ليه خايفه وقلبي ناغزني!!
نوره في نفسها:.الله يستر يارند انتي احاسيستش عمرها ماخابت
عند ابراهيم:.
جاسم اهو الي راح ينام معاه لان عبد الاله مايطيق ريحت المستشفى ومعتز مايقدر يهد زوجته لانها في الشهور الاخيره من الحمل وفيصل الي طلع من الظهر الى الان مارد بيتهم لاكنه كلم ابراهيم وتطمن عليه
ابراهيم كان قاعد يسولف مع جاسم وكان نقاشهم حلو بس موهذا المهم المهم ان ابراهيم يوم كان قاعد يسولف مع ابراهيم فجئه توقف عن الكلام ومسك يد جاسم وبشكل غير طبيعي
*شنو راح يصير في رند واحساسها---وابراهيم شلي صابه؟*

انتظر ردودكم ولا ترى مافي جزء جديييييييييييد

شوف يا سقيرنا ..

بصراحه بصراحه اول ما نزلت القصه وقريت عنوانها مدري شلون مادخلت لي مزاج .. لاتزعل مني هذا رايي ..

قلت خل اقراها شوي .. يوم قريت البدايه منها حسيييييييت فيها مبالغه مو طبيعيه واخطاء مدري شلون تجي .. ( كان مسافر برا ,, ومن يوم رجع اكتشف انه يحبها من قابلها بالمزرعه مدري وين ) .. يعني تحس انك ما تنشد لها واااجد .. وبعدها تركتها ولا كملتها ..

المهم اليوم كنت قاعده احمل شي وبيطول قلت خل اقراها دامي فاضيه ..

وقعدت اقرها انا الحين اقولك دامي دخلت بقصه ابي اكملها ..

فياليت تنزل الجزء التالي .. س ياليت ياسفير يكون طويل شوي هذا ما مداني شوي وخلصت ..

ياليت تكون الاجزاء التاليه كلها طويله ..

وأنتظــــرك بالجــــزء Very Happy

.....

..: دووبـــــــا :..

هلاااا والله خيتوووووووو DooBa

لا في زعل ولا شي أنا أحترم آراءكم وكل واحد وله وجهة نظر

الصراحه انا نفسي ما كملت الرواية لأني جاني إحباط ان مافي أحد رد

بس راح أكملها لكم

تفضلوووووووووا

ابراهيم قعد يستفرغ دم ومازال ماسك يد جاسم وبقوة جاسم حاول ان يده توصل الى الزر الي فوق السرير علشان ينادي السستر ولاكن كل محاولاته كانت فاشله فحاول اخر مره واخيرا وصل للحبه وضعط عليها ولا شالهل لحد ماجات السستر وعلى طول راحت ونادت الدكتورالي كان ماسك حالت ابراهيم ومن حسن حظه ان الدكتور اليوم مناوب دخل الدكتور على ابراهيم ولما شاف حالته جذي اضطر انه يطلع جاسم
الدكتور:.لوسمحت يا اخ جاسم اتفضل بره
جاسم واهويصيح لانه خايف على ابراهيم:. لا مستحيل مستحيل اطلع واخلي اخوي مستحيل
اخذ الدكتور جاسم وطلعه بره بالغصب وجلسه على الكرسي الي مقابل غرفته...فتذكر ان في جيبه ورقة ادعيه طلعها وقعد يدعله واهو مازال يصيح لانه اول مره يشوف ابراهيم بهالحاله
بعد حوالي نصف ساعه طلع الدكتور وعلى طول قامله جاسم
جاسم واهو يمسح ادموعه:.هاه دكتور بشّر
الدكتور:.والله ابراهيم حالته ماتطمن بس اهو محتاج الى نقل دم ولازم الحين احد يتبرعله باسرع وقت
جاسم يتذكر:.انا...انا فصيلتي نفس فصيلته
الدكتور:.حلو روح المختبر وانا بكلمهم علشان ياخذون منك الدم
اخذو من جاسم الدم ونقلوه لابراهيم وتم جاسم جالس بره بس هالمره الدكتور طول وكان جاسم خايف والي زاد خوفه ان ولا حتى ممرضه اطلعت اشوي الا طلع الدكتور وكان الياس والخوف مالي وجه جاسم
جاسم:.ها دكتور كفى الدم؟؟؟
الدكتور:.ابراهيم محتاج دم زياده ......
جاسم:.اروح المختبر
الدكتور:.لا مايصلح دور بسرعه على احد تكون فصيلته نفس فصيلت ابراهيم
جاسم جلس على الكرسي موعارف ابد شسوي حاس انه مربّط لاكنه تذكر رندونوره فدخل عليهم بشكل مخيف وحتى بدون مايدق الباب
رند ونوره:.جاسم
جاسم واهويصيح:.تكفون بنات مين فصيلته.....
نوره:.ليه اشفيكم؟
جاسم:.ابراهيم جاله نزيف ولازم ننقله دم وباسرع وقت
رند بخوف:.انا....انا فصيلتي نفس فصيلته
جاسم:.طيب يلا قومي
رند:.مايصلح امشي
جاسم:.طيب اشيلتش.. لا... لا... اوه...شسوي علموني؟
نوره :.جاسم هّدي وروح جيب الكرسي المتحرك
جاب جاسم الكرسي وشال رند من السرير وحطّها على الكرسي وطار فيها على المختبر ارجعوا من الختبر وتموا جالسين يم الباب ينتظرون الدكتور يطلع ويطمنهم طلعت وحده وراحت لها نوره
نوره:.لوسمحتي؟
.....:.نعم اختي بغيتي شيئ؟
نوره:.المريض الي داخل ايراهيم كفته كمية الدم
.....:.اي الحمدالله كفته
نوره بعد نفس عميق:.اشوه
راحت على طول ةعلمت جاسم ورند لا بطلعت الدكتور ولاكن هالمره وجهه كله فرح
جاسم:.ها دكتور؟
الدكتور بفرح:.الحمدالله كفته كمية الدم
جاسم :.طيب نقدر ندخله
الدكتور:.عشر دقايق ودخلوله
مرت هالعشر دقايق على جاسم كانها عشر سنين لانه متشوق يبي يشوفة ابراهيم ويتطمن عليه . واخيرا ادخلوله وطبعا نوره ورند
معه علشان يتطمونون على ولد عمهم ابراهيم
دخل جاسم وبعده نوره ومعها رند .رند حست انها الي قاعده تشوفه موابراهيم الي تعرفه وكان شكله متغير 180 درجه بسبب الاجهزه الي كانت عليه فقامت تصيح
نوره:.رند خلاص
جاسم موحاس بشيئ ابد كان قاعد يطالع في ابراهيم وكانه اول مره يشوفه
نوره:.رند خلاص حبيبتي لا يصحى
رند واهي تمسح دموعها:.طيب
جلست نوره على الكرسي وهم جاسم وكانو كلهم محاوطين ابراهيم
اما رند فمسكت يده وقعدت تقرا عليه قران يعني اشوي من الي هي حافظته.
اما خارج المستشفى وبالتحديد في بيت العم عبدالله
كانت مريم قاعده تقرا روايه ومندمجه معها على الاخر رن جوالها على الرنه العاديه ولما طالعت الشاشه لقت الرقم غريب فرعت لانها خافت ان ابراهيم يكون فيه شيئ
مريم.الو
.....:.مساء الخير
مريم:.مساء النور منومعاي.
....شخبارتش؟
مريم:.منو؟
.....:.معقوله ماعرفتي صوتي ...ماعرفتيني؟
مريم:.لا منو؟
.....:.انا عمر ماعرفتيني
سكرت مريم في وجهه لانها اعرفت انه قاعد يلعب واهي كلش مالها خلق وراجعت تقرا الا طفا الكهرب عليهم
مريم:.اوووه وهذا وقته

قامت وشغلت لها شمعه وفتحت النافذه علشان تتهوى رجع مره ثانيه جوالها يدق وكان نفس الرقم فحطته على الصامت وكملت قراءه المهم انها حست ان عبد الاله رجع والحمدالله ان الكهرباء رجعت سكرت الروايه وطلعت بتروح غرفة عبدالاله وكان في درجه بس مانتبهت لها وطاحت لكنها جات سليمه الحمدالله دقت الباب على عبدالاله كم مره لكنه مارد عليها ودقت على جواله وكان مقفل قررت تدخل ولما دخلت شافته جالس على الابتب ويقرا واهو في عالم ثاااني
مريم:.عبدالاله!
عبدالاله:.نعم
مريم:.ياخي قوم كلمني عدل
عبدالاله بعد ماقام من كمانه:.انتي شلون تدخلين غرفتي من دون ماتدقين الباب؟
مريم:.شنو مادقيته تكسرت اصابيعي وانا ادق وانت ابد موحاس
عبدالاله:.انزين .....خلاص
مريم:.ها خلصتها؟
عبدالاله:.لا توني ... وانتي؟
مريم:.الحين انا باديه في وحده جديده اذا خلصتها قتلك عنها
عبدالاله:.مريوم وين عيونك جهازتش من زمان يدق ردي
مريم:.اووه صح ذكرتني هذا واحد قاعد يلعب امسك ادبه
عبد الاله رفع بصوت ناااعم:.الو
عمر:.اهلين هلا والله باهلصوت
عبدالاله:.لا هلا ولا ومسهلا ...شتبي؟
عمر:.ياعمري انتي...ليش معصبه هدّي؟..!
عبدالاله:.خلص عمرك انشاء الله شوف يا جليل الحيا ان ماسكرت لتشوف شغلك سامع
عمر:.طيب ليه الكلام البذيئ تكلم يا خي بادب
عبدالاله:.مابقى الا انت تعلمني شقول؟
عمر:.انزين تراك ازعجتنا انا بس حبيت اتسلى...بااااااي
عبدالاله:.دفعت مردي والهوى شرجي
اخذت مريم الجوال من عبدالاله وطلعت علشان تكمل الروايه.
عند نوره ورند وجاسم في المستشفى:.
تمت رند تقرا على ابراهيم لحد ما اذن الفير وانتبه جاسم للاذان واخيرا قدر يسترجع الي صار وماصدق الي قاعد يشوفه رند ماسكه يد ابراهيم
جاسم في نفسه:.لا مستحيل....مستحيل...اعوذ بالله
جاسم بصوت خفيف:.نوره ....نوره
نوره كانت سرحانه وجاسم صحاها من السرحان:.نعم
جاسم:.وين وصلتي؟
نوره:.معاك اشفيك!
جاسم:.اي معليه معاي والله ماحد ماخذ عقلك غي نصورهاه المهم اخذي رند ورحي غرفتكم خلاص انتو تعبتو
نوره في نفسها:. الله لو يدري نصوراني طالعه جذي ليذبحني
نوره:.يلا رند
رند نفخة على راس ابراهيم وقامت نوره ومشت مع رند لحد الباب
رند:.جاسم اذا بغيتو أي شيئ تعال انزين وانتبه على ابراهيم
جاسم في نفسه:.الله يارند خايفه على ابراهيم
جاسم:.اوكي
وصلهم لباب الغرفة وتوه بيمشي لا نوره تقوله
نوره:.مو تنسى اذا بغيتو شيئ تعالو اوكي
جاسم حتى انتي:.اوكيك....يلا باي
اشوي الا جاسم دق البا عليهم مره ثانيه
نوره:.منو؟
جاسم:.انا جاسم
نوره:.تفضل ادخل
رند بخوف:.هاه ابراهيم صحى؟
جاسم باستغراب:.لا ماصحى بس انا كنت ابغى ماي
اخذ جاسم الماي وطلع بره الغرفه وراح حق ابراهيم ورجع مره يفكر فيه ويفكر بالي سواه واشلون شال رند وانه لازم يتسامح منها
جاسم:.اوووووه انا شلون نسيت اقولهم مايعلمون احد,والله ياخوفي رند تخوره بكره يم احد واروح انا في شربة ماي
قتم جاسم وتوضا وصلى الفجر بعد ماخلص تذكر ان ((laptop
جاسم:.والله اقعد اقرا احسن لي من مجابل هالمريض
حول واخذ الابتب من سيارة ابراهيم لانه كان جاي فيها وسيارته كان الدريول يغسلها اخذه ورقى مره ثانيه يوم وصل غرفة ابراهيم شاف الممرضه توها طالعه من عنده
جاسم بخوف:.ليه كنتي داخل شفيه ابراهيم؟؟
الممرضه:.ماكو شئ كنت اتطمن على حالة المريض
جاسم:.شكراَ
دخل الغرفه وجلس يقرا على السير الي يم ابراهيم وتم يقرا في روايه من الساعه(4 ) الى حد الساعه(6) الصبح
جاسم واهو يتمدد:.الله الساعه 6 طولت
طفى جاسم الابتب وحط عليه ورقه ونام
عند نوره ورند
نوره:.لازم بكره نروح نزوره سمعي انا بطلب ورد من المستشفى وناخذه معنا
رند:.لاو الله شناقصنش حبيبتي علشان تاخذين من ورد المستشفى
نوره:.لييييه؟
رند:.حبيبتي انتي نوره بنت عبد الرحمن وانا رند بنت عبد الرحمن ناخذمن ورد المستشفى!يعني لازم نودي شيئ عدل!
نوره:.من وين تبين؟
رند:.من المحل الي جبتي منه ورد ملكتش
نوره:.اوكي
ونامووووووووووووووووووووووووو
الساعه ( 9 )الصباح
ابراهيم توه صاحي من النوم وشاف جاسم نايم وكان حاط الابتب على الطاوله الي يمهم بالوسط حاول ابراهيم انه ياخذه بس ماقدر ضغط على الزر لحد ماجات له الممرضه.
الممرضه:.بغيت شيئ؟
ابراهيم:.لو سمحتي عطيني هذي الجنطه
الممرضه:.تفضل شئ ثاني؟
ابراهيم:.كلاس ماي
عطته اياه وطلعت فتح ابراهيم الابتب وجلس يشوف صوره وصور ربعه يوم كان في استراليا وبعدين فتح على المستندات الاخيره وشاف الروايه الي جاسم قاعد يقراها وقعد يضحك عليه لانها صارت قديمه وكلهم خلصوها الا اهو مابعد يخلصها بدا ابراهيم في وحده جديده لاكنها كانت بايخه سكرها وتم يحوس في الابتب
الساعه (10 ونص)
صحت رند وبعدها نوره باشوي .
رند:.صباح الخير
نوره:.صباح النور
رند:.ترى وصيت على الورد وكاهو بيجيبه
نوره:.طيب اجل اشوي ونورح لهم
رند:.طيب ساعديني ابغى اروح اغسل
غسلت رند وبعدها نوره واطلعت نوره من الحمام على اخر زينه
رند:.ياحظ ناصر فيتش
نوره بغرور:.مشكوره حبيبتي
رند:.ترى جوالتش رن!
نوره:.مو كان رديتي؟
رند:.لا فشله كان ناصر
نوره :.شدعوه عادي
عند جاسم وابراهيم في الغرفه:.
جاسم صحى من النوم ولاول مره يحس انه مو نايم عدل
جاسم:.صباح الخير
ابراهيم:.صاح النور هلا والله بو محمد
جاسم:.هلا بك هاه شلونك الحين؟
ابراهيم:.لا احسن من امس
جاسم واهو يقوم من السرير:.ابراهيم انت تذكر شلي امس صارلك؟
ابراهيم:.اذكر اني كنت اسولف معك وفجئه جاني النزيف
جاسم:.بس!
ابراهيم:.اي تقرباً
جاسم:.متاكد
ابراهيم بعد طول تفكير:.كاني سمعت صوت قران شكله المسجل
جاسم معطي ابراهيم ظهره ويضحك:.بس!
ابراهيم:.ايه ليه اشفيك؟
جاسم:.مافيني شيئ
ابراهيم:.الا فيك
جاسم:.اي فيني وماني بقايلك
ابراهيم:.الا بتقول مو على كيفك
جاسم بقوه:.الا على كيفي
ابراهيم:.هي انت اشفيك؟
جاسم:.تبي تعرف؟
ابراهيم :.أكيييييد
جاسم:.اجل بكيفك ياجاسم
ابراهيم:.شنو احنا بزران
جاسم:.كيفك اجل مو لازم تعرف
ابراهيم حس ان جاسم يتكلم بجد وراه شيئ:.طيب على كيفك يا جسم بس اخلص تحجى
جاسم واقف يم باب الحمام واهو يتثاوب:.انت تدري امس من تبرعلك بالدم
ابراهيم بثقه:.اي
جاسم باستغراب:.لييييييه منو الي قالك؟
ابراهيم:.محد قالي بس اكيد انت لان نسبتك نفس نسبتي
جاسم:.ههههههههههههههههههههه
ابراهيم:.يلاعاد قول شفيك حيرتني معاك؟
جاسم:.اجل اسمع الي اس تبرعلك بالدم اهو......اهو....
ابراهيم:.ميييييييييييييين؟
جاسم:.انا ...ههههههههههههههه
ابراهيم:. ومين بعد؟
جاسم بجد:.رند بنت عمي عبدالرحمن واهي الي كانت ماسكه يدك وتقرا عليك القران مو المسجل يافالح
ابراهيم:.من صجك؟
جاسم:.اي والله
دخل جاسم يغسل وترك ابراهيم يفكر برند واهو مو مصدق ابد الي صار
ابراهيم:.آآآه ياليتني كنت صاحي وشفتها اووووووف شهالحاله
طلع جاسم من الحمام بعد ماتكشخ وكان ابس بلوزه سوداء وبنطلون جينز وجاكيت جينز وعليه طبعه بامخمل من وراء
ابراهيم:.الله ...الله شهالخشه؟
جاسم:. شرايك؟
ابراهيم:.اقول قوم انا ابغى ابدل هدومي
جاسم:.ههههههههه
*بدل ابراهيم وبعد ربع ساعه اندق اب الغرفه ياترى مين بيكون بره رند ونوره ولا ميييييين؟

في بيت العم عبد العزيز وبالتخصيص في غرفة مي:.
مي كانت منعزله عن الناس بعد وفاة ساره رفيجتها واهي كانت متعلقه فيها وااايد.
ساره كانت حليوه ولاكنها كانت نفس حالت مي يتيمه. مي صحت الصبح واهي زهقانه تحس انها متضايقه ودها تطلع وتروح وتجي ودها تشوف الناس ترجع لايام اول. ساره صار لهاميته حوالي سنه ونصف ومي من بعد موتتها واهي ماتتزين ولاتتكشخ كل لبسها عادي وبعض الاحيان يكون اقل من العادي جلست على السرير تتذكر جلساتها مع ساره وسوالفهم وضحكهم وقررت انها تبدا حياتها من جد وجديد وترجع مي الي كان الكل يعرفها وتعود عليها وعلى كشختها الي ماحد يوصل لها واناقتها وجمالها
*اكيد كلكم تبون تعرفون ساره شلون ماتت وليه مي متاثره وايد بموتتها
*ساره كانت حلوه وجذابه وكان ولد خالتها يوموت عليها والشغاله تخيلو انها تحبه ولما مره شافته يكلمها ويضحك معها عصبت وعلى طول راحت واخذت السجين واذبحتها.ومن بعدها مي متغير حالها.
دقت مي على غاده واهي كانت مثل اختها لانهم كانو رفيجات من يوم كانو في الروضه
مي:.صباح الخير
غاده:.صباح الفل والياسمين هلا والله
مي:.اهلين شخبارتش؟
غاده:.تمام وانتي؟
مي:.ماشي الحال اقول غاده بغيت اطلب منتش طلب
غاده:.بس طلب افا عليتش انتي تامرين مو تطلبين
مي:.مشكوره...غاده...انا ابغى اتغير
غاده باستغراب:.يعني شلون؟
مي:.ابغى ارجع مي الاوليه مي...
قاطعتها غاده:.وانا موافقه متى تبين تروحين السوق؟
مي:.اذا فاظيه الحين نروح
غاده:.اجل تعالي اخذيني
مي اوكي
صلت مي وحطت ورقه على الباب علشان تعلمهم انها طالعه مع غاده وراحت على طول لها.
لا تضع كل أحلامك في شخص واحد :
ولا تجعل رحلة عمرك وجهة شخص تحبه مهما كانت صفاته::
ولا تعتقد أن نهايه الأشياء هي نهاية العالم:
فليس الكون هو ما ترى عيناك
وانتظر ضوءاً جديداً يمكن أن يتسلل إلى قلبك الحزين:
فيعيد لأيامك البهجة ويعيد لقلبك نبضه الجميل
نرجع حق جاسم وابراهيم:.
جاسم:.انت مواعد احد؟
ابراهيم:.لا
جاسم:.منو؟
نوره:.انا نوره
جاسم اخذ العطر وعطر الغرفه وابراهيم موعارف ليه بس تركه
جاسم:.هلا والله حياكم تفضلوا
دخلت نوره وحطت باقه الورد على الطاوله لانها كانت جبيره وبعدها دخلت رند وترك الباب مفتوح.
جاسم يندس ابراهيم:.ابراهيم
ابراهيم بفرح:.هلا ولله
نوره:.شلونك ابراهيم؟
ابراهيم واهويطالع في رند:.الحمدالله
رند:.يعني احسن من امس
ابراهيم:.اكيييد
ابراهيم:.مشكوره يارند
رند:.على شنو؟
ابراهيم:.انتش تبرعتيلي بالدم
رند:.لا شدعوه انت ولد عمي وهذا شيئ واجب علي
جاسم:.اي صح انا اسف
نوره:.ليه؟على ايش؟
جاسم:.اولا:.اني دخلت عليكم ومن دون مادق الباب
ابراهيم يكلم جاسم بصوت واطي:.اذا في اولا يعني في ثانيا
جاسم:.اي
جاسم يكلم رند:.وثانيا اني شلتش
رند صار وجهها احمر من الحيا:.لا عادي...انا..انا كنت مقدره خوفك على ابراهيم وبعدين كلنا خفنا عليه
ابراهيم ميت من القهر ووده انه يقوم ويذبح جاسم على هالي سواه بس معليه ياجسوم شغلك معاي بعدين
نوره:.شباب سامحوني ماحطيت كرت على الورد علشان ماسبب لكم أي احراج
ابراهيم:.لا احراج ولا شيئ يكفي ان الورد منكم
نوره بحيا:.مشكور.....يلا عن اذنكم
ابراهيم:.وين رايحين...جلسوا؟
نوره:.لا اخاف احد يجي
ابراهيم:.ماعليكم منهم
رند:.شنو ماعلينا منهم مايصلح!
ابراهيم:.ليه انتي لمين مو جايه حق احد غريب انا......{كان وده يقول انا خطيبتش**
جاسم انقذه قبل مايحوس الدنيا:.وبعدين احنا عيال عمكم يغني عادي
نوره:.لا....على العموم ماتشوف شر يا ابراهيم
ابراهيم:.الشر مايجيتش....رند
رند:.نعم بغيت شيئ؟
ابراهيم:.اشوي اشوي وانتي تمشين
رند:.ههههه انشاء الله
ابراهيم:.جسوم وصلهم
نوره:.شدعوه هذي الغرفه قريبه
جاسم واهو يم باب الغرفه:.نوره
نوره:.هلا
جاسم:.لا تقولين حق احد على الي صار حتى فيصل احنا بنقوله<<<صواريخ
نوره:.انشاء الله
دخلت نوره غرفتهم وهم جاسم دخل غرة ابراهيم وجلس على السرير وتم يقرا وابراهيم سرح في افكاره مع رند
في المجمع عند مي
دخلت مي مع غاده وبدو اول شيئ يشترون الملابس وشرت لها بعض الاشياء وبعدين اطلعو وراحت مجمع ثاني ومن هناك اخذت لها تقريبا كل الي كان ناقصها وحتى الاكسسوارات اما المكياج مابعد يجي دوره
غاده:.مي ماجعتي
مي:.الا ..اجل خلينا ندور لنا على مطعم نتغدى فيه وبعدها نكمل
راحو جهت المطاعم وبالموت لقو لهم المطعم الي يعجبهم بعد الغدا رن جوال مي
مي:.هلا يمه
الام:.هلا وينتش؟
مي:.انا مع غاده بالمجمع
الام:.لا تتاخرين علان نروح حق رند
مي:.انشاء الله مع السلامه
غاده:.اشفيها خالتي؟
مي:.ماكو شيئ بس ماتبيني اتاخر علشان نروح حق رند
غاده:.ليه شفيها؟
مي:.طايحه ومنكسره يدها
غاده:.عيل نشتري جزء من المكياج والباقي بعدين
مي:.اوكي
على المغرب كانت مي توها طالعه من المجمع وبتروح بيتهم
مي:.غاده....وين احط الاغراض؟
غاده:.ليه انتي ماتبين احد يدري؟
مي:.اي ....لاني ابغى اخليها مفاجئه
غاده:.خلاص اجل حطيها بسيارتي
وصلت مي غاده بيتهم وردت البيت
مي واهي تحب راس امها:.السلام عليكم
الام:.كان تميتي بره تو الناس
مي:.اسفه يالغاليه
الام:.طيب يلا روحي تزهبي علشان نروح حق رند
رقت مي دارها وانبطحت على السرير ورجعت تفكر بساره ولكن قطع عليها حبل افكارها رنة جوالها
مي:.هلا وغلا بالهصوت
احمد:.اي خذيني بالكلام الحلو
مي:.ليه اشفيك؟
احمد:.بسرعه اعترفي وين كنتي؟
مي:.ليه انت ماقريت الورقه
احمد توهق:.هاه...الا بس تعالي مين الحلوه الي كانت معاتش؟
مي:.وانت شعليك؟ لا يكون تراقبني؟
احمد:.لاطبعا بس كنت مع الربع وشفتش بالصدفه....يلا عاد منو هذي؟
مي:.هذي غاده رفيجتي
احمد:.سلميلي عليها
مي:.يا ولد استح على وجهك
احمد:.هههههه انزين شنو شريتو؟
مي:.ولا شيئ
احمد:.يلا عاد قولي ولا ترى بجى اعفس غرفتش
مي بلهجه مضحكه:.اصلا انت مو هني
احمد:.منو الي قالتش؟
مي:. لان سيارتك موموجوده لافي القراج ولا بره
احمد:.طيب علميني شنو شريتو ولا هابجي اعفس
مي:.ماتقدر
احمد:.ماقدر
مي:.اي ماتقدر
احمد:.اوكي باااااي
سكرت مي:.اشوه انه ماطول ولا كنت اعترفت بكل شيئ
فتح احمد عليها الباب بشكل مخيف
احمد:.ها اقدر ولا
مي:.هي انت وين داخل ؟
احمد:.بس علشان اعلمتش اني اقدر
مي واهي تدزه لبره:.عرفنا انك تقدر يلا اطلع
احمد:.افا انا اخوتش تطرديني
مي:.ماطردك بس ابغى اصلي والبس علشان بنروح حق رند
احمد:.اذا كذا معليه يلا شاو
طلع احمد وراحت مي وصلت وبدت تدورفي الملابس
عند ابراهيم:.
اجتمعو الشباب كلهم وكانو اكثر من امس لان ربع ابراهيم كلهم جو وحتى فيصل كان معهم ونفس الشيئ عند رند .ورت هالليله بخير
اليوم الثاني الصباح
في غرفة رند ....
نوره:.رند يلا قومي غسلي ابوي امس قال انه بيجي ياخذنا مبجر
رند:.طيب روحي انتي وبعدين انا بقوم
نوره:.بس انا ماعوق مو مثلتش
رند والدموع في عيونها:.شكراً
قامت رند وراحت الحمام واهي تصيح وصكته بوجه نوره
نوره:.ياالله ...ازعلت ...اوووف
تمت نوره تنتظر رند لحدماطلعت من الحمام وتاسفت منها على الرغم من انها اكبر منها بس ولو نوره اجرحتها
دخلت نوره وغسلت وبعد ماطلعت رن جواللها
نوره:.هلا يبه صباح الخير
الاب:.صباح النور ها خلصتو؟
نوره:.اي احنا جاهزين وينكم انتو؟
الاب:.مسافة الطريق واحنا عندكم
بعد اشوي جا ابوها ومعاه مشعل ودخلو
اثنينهم:.السلام عليكم
نوره:.وعليكم السلام
مشعل:.ها رنوده شلونتش احين؟
رند:.الحمدالله
الاب:.اقول رند ...فيتش شده تروحين حق ولد عمتش تتشافيله
رند:.اي معليه
الاب:اجل يامشعل اخذ نوره ورحو السياره وانا بروح مع رند
مشعل:.الله يعيني عليتش
حولت نوره مع مشعل ورند رتحت مع ابوها حق ابراهيم
كالعاده ادخلوا وابراهيم سرحان.
الاب ورند:.السلام عليكم
ابراهيم وجاسم:.وعليكم السلام
الاب:.ها ابراهيم شلونك؟
ابراهيم:.الحمد الله
ابراهيم كان مو متسند على المخده ومقدم ظهره كل هذا علشان رند
جاسم واهو يرجعه:.شدعوه هذهم قراب
رند:.الحمدالله على سلامتك يابراهيم
ابراهيم بفرح:.الله يسلمتش
الاب :.يلا رند مشينا
ابراهيم:.وين عمي تو الناس
الاب:. لا وانا عمك بروح البت اريح
ابراهيم:.ورند؟
الاب:.خلاص رخصوها يلا مع السلامه
ابراهيم كانه بزر:. جسوم وانا متى بطلع
جاسم:.اظاهر انك مطّول....ههههههههههه
ابراهيم:.لا والله روح ناد الدكتور
جاسم طوّل على اغنيه ابراهيم يكرها كره العمى
ابراهيم بعصبيه:.جسوم قصرها جسوم ويهد انشاء الله....طيب انا اراويك اخذ ابراهيم كلاس الماي وكبه على جاسم كله وكان ملايان
جاسم بشهقه طويله:.ياحمار ليه كبيت الماي جذي سبحتني
ابراهيم:.ههههههههههههههههههههههههههههههههههه
جاسم:.يازفت
الا بدخلت الضابط الي كان مسوؤل عن قضية ابراهيم

الضابط:.السلام عليكم
جاسم:.وعليكم السلام
ابراهيم:.هههههه وعليكم السلام تفضل
المهم ان ابراهيم تنازل عن القضيه ولاكنه قال
ابراهيم:.بس بشرظ انكم تكتبونه تعهد انه مايتعرض لاحد لاني اذا انا تنازلت غيري مستحيل يتنازل
رجعت رند بيتهم وكانو خواتها كلهم هناك وحتى لمى دخلت رند البيت وعلى طول جاتها لمى
لمى:.اهلين خالتو شخبارتش
رند:.الحمدالله انتي شخبارتش
لمى:.تمام
رند:.بس انا زعلانه عليتش ليه ماجيتيني؟
لمى:.والله كان ودي اجي بس شسوي هاليومين كلا طالعه مع رفيجاتي في الستي
رند:.ياحبتش للدواره في المجمعات
لمى :.ههههههطيب متى بتفكين الجبس
رند:.يعني بعد اسبوع تقرباً ليه؟
لمى:.ها أي لاني ابغى اجي اتشافى لابراهيم
رند:.اوكي
لمى في نفسها:.يلا مره وحده اشوف جسوووووم ههههههه
الاب:.مشعل و ين نوره؟
مشعل:.مادري توها هني
الاب:.روح شوف وينها
نوره كانت جاسه في الحديق تكلم ناااصر خطيبها
نوره:.هههههههه
مشعل بعصبيه:.نوره
نوره:.نعم
مشعل:.قومي تغدي
نوره:.طيب روح وانا بجي الحين
مشعل:.لاقومي معاي
نوره:.اوكي نصوري بتغدى واكلمك
مشعل واهو يقلد صوتها:.اوكي نصوري بتغدى واكلمك .ياثقل دمتش خلصي امشي
الاب:.نوره وين رحتي
مشعل:.الاخت قاعد تكلم نصوري في الحديقه
نوره ماعطته أي اهتمام وراحت يم رند ولمى
الام:.يلا الغداء زهب
مر هالاسبوع على رند عادي حاله حال أي اسبوع اما ابراهيم مر عليه هالاسبوع كانه سنه اليوم طلع ابراهيم من المستشفى وكانت يده الى الان مافكو الجبس منها لانها مابعد تتحسن لكن الاطباء ارسلو تقاريره للخارج وينظرون منهم الرد وابراهيم طبعا مومهتم اهم شيئ انه يطلع من المستشفى ويشوف رند
رند بعد ماطلع ابراهيم بيومين راحت فكت الجبس وطارت فرحت لمى
بعد ملطلع ابراهيم من المستشفى كانت جمعة الشباب كلهم في بيته فكانو كلهم موجودين الا فيصل وعبدالله
مشعل:.ابراهيم ماعندك ورقه ياخي ودنا نلعب بلوت
ابراهيم:.دقايق واهي عندك
واهو طالع من المجلس كان عمه عبدالرحمن مع ابوه في الصاله وكانو يتكلمون
عبدالرحمن:.اي خلاص فصخت الخطبه
عبدالله:.ليه الولد كان شحليله زمايعيبه شيئ
عبدالرحمن:.والله مادري بس امها تقول انه موعاجبها
عبدالله:.الحمدالله امكم على البر ولا صار شيئ رسمي
عبدالرحمن:.اي الحمدالله...يلا انا استاذن
عبدالله:.وين اجلس
عبدالرحمن:.لا عندي كم شغله بخلصهم وبرح البيت
عبدالله:.طيب خلصهم وارجع تعشى معنا
عبدالرحمن:.لا مره ثانيه انشاء الله
طلع العم عبدالرحمن وابراهيم مازال واقف ولما تاكد من صكة الباب على طول راح حق ابوه
ابراهيم:.يبه مين الي فصخت خطبتها
الاب:.وانت شدراك؟
ابراهيم:.وانا جاي سمعتكم تتمكلمون
الاب:.رند فصخت خطبتها من اسامه
ابراهيم في نفسه:.احسن
ابراهيم:.ليه.؟
الاب:.وانت شعليك
ابراهيم:.هههههه طيب هدي لا تعصب
رقى ابراهيم جاب الورقه وعطاها مشعل وراح على طول حق جاسم
جاسم:.خير انشاء الله اشفيك مستانس؟
ابراهيم بفرح:.باركلي
جاسم:.مبروك بس ليش؟
ابراهيم:.رند افصخت خطبهتا
جاسم:.مين الي قالك؟
ابراهيم:.عمي عبدالرحمن توه كان هنيني وسمعت يقول حق ابوي ويوم سالته قالي أي
جاسم بفرح:.اجل علبركه يالعاشق الولهان
ابراهيم:.الله يبارك فيك
مشعل:.ابراهيم شفيك مستانس؟
ابراهيم:.متونس بجمعتكم ...الا وين فيصل؟
عبدالله:.السلام عليكم
كلهم:.وعليكم السلام
جاسم يكلمه بصوت واطي:.بيدنا ....بدينا بالملاقه
ابراهيم:.وانت اشعليك؟ نسيبي ولا نسيبك
ابراهيم:.هلا فيصل
فيصل.هلا وغلا بهالصوت
ابراهيم:.اهلين شخبارك؟
فيصل:.تمام وانت شخبارك؟
ابراهيم:.الحمدالله اقول وينك؟
فيصل:.توني راد من البحرويمخيس هذني في البيت
ابراهيم:.ايل تعال عندي الشباب كلهم هني
فيصل:.اوكي باخذ شور وبجي يلا باي
سكر ابراهيم وبعد ساعه جاء قيصل واكتملت الجمعه وكانو الشباب وايييد مستانسين.
بعد اسبوع:.
توظف ابراهيم في الشركه وبراتب حلو اما عبدالله الي من طلع من عند الشباب واهو حاس انه مو طايق احد مو ليه وده يسافر .اخذ اجازه من ابوه وعمه عبدالله مايدري بنفس اليوم الي كان عبدالله بيداوم فيه تاخر في الليل بانومه وبكذا تاخر على الشركه.
في الشركه:.
كان العم عبدالله يدوّر على عبدالله واهو في السيب شاف فيصل
فيصل:.صباح الخير عمي
العم عبدالله:.صباح النورفيصل وين عبدالله اخوك؟
فيصل:.اهو ماخذ اجازه كم يوم واليوم انشاء الله بيداوم
العم عبدالله:.وليش تاخر للحين روح دق عليه وقوله ابيه يجيب الورق الي عند ابغاهم ضروي
فيصل:.انشاء الله
راح فيصل وقعد يدق على جواله وجوال لولوه ولا واحد منهم يرد لانهم كانو ناسينهم في الصاله دق على تليفون البيت وصحت لولوه وراحت ترفع التليفون
لولوه بصوت نعسان:.الو
فيصل:.الو...هلا لولوه
لولوه:.هلا فيصل صباح الخير
فيصل:.صباح النور وين عبدالله؟
لوله واهي تتثاوب:.عبدالله نايم ...ليه تبي شيئ؟
فسصل وكانه بدا يصارخ:.لولوه تكفين روحي قعديه عمي عبدالله قالب عليه الدنيا قوليله بسرعه يجي ويجيب الورق الي عنده
لولوه:.انشاء الله بقوله
فيصل:.روحي صحيه بسرعه
لولوه:.طيب ...بااااي
سكرت لولوه وراحت الغرفه بترجع تكمل نومتها وكانها نست السالفه.
عبدالله:.منو الي على التليفون؟
لولوه:.اي صح هذا فيصل يقول ان عمي عبدالله قالب عليك الدنيا علشان الورق الي عندك
عبدالله:.اي صح الورق
قام عبدالله مفزوع وغسل بسرعه وراح الشركه واول مادخل كان يتمنى ان عمه مايشوفه واهورايح المكتب
العم عبدالله:.عبدالله وييينك؟
عبدالله بارتباك :.هلا عمي صباح الخير
العم عبدالله:.صباح النور...وينك؟ ليش متاخر عن الدوام؟
عبدالله:.راحت علي نومه !
العم عبدالله:.والورق وينهم! ولا بعد نايمين في البيت؟
عبدالله:.لا عمي الورق عندي في المكتب
العم عبدالله وش يسون عندك في المكتب اخلص روح جيبهم
عبداللع من دون نفس:.طيب
راح العم مكتبه وبعد نصف ساعه خاصت الاوراق وداهم عبدالله حق عمه وطبعا عبدالله مازال متنرفز من تهزيئت عمه له.اندق الباب ودخل جاسم
جاسم:.السلام عليكم
عبدالله بغلقه:.وعليكم السلام
جاسم باستغراب:.الله عبدالله معصب ومتنرفز بعدغريبه ؟شفيك؟
عبدالله:.توني ماكل تهزيئه محترمه من عمك
جاسم:.ليه ماحليت الواجب ههههههه ولا ناسي الكتاب هههههههههههه
عبدالله:.مالت عليك هذا جزى الي يشكيلك همه
جاسم بجديه:.لا صج شفيك؟ليه عمي مهزئك؟
عبدالله:.لاني تاخرت في تسليم الورق ويوم اداوم الساعه {9ونص,وانت عارف ان الدوام الساعه{8ونص**
جاسم:.الله ليش هالتاخير؟
عبدالله:. ماكو راحت علي نومه
جاسم يتغيبى:.يعني شلون راحت عليك نومه؟
عبدالله:.لان امس كانت عندنا حفله ومانمت الا متاخر
جاسم قام وجلس يم عبدالله
جاسم:.يلا تكلم كُلي اذان صاغيه
عبدالله:.شتكلم شقول؟
جاسم:.شصار امس بالحفله....يلا عاد تكلم تراني مو قايل لاحد بس ابغى بالتفصيل
عبدالله:.اقول قوم اذلف
جاسم:.عبود يلا عاد تكلم شصار امس؟
عبدالله اخذ العقال وكانه بيطق جاسم بس الحمدالله انه لحق على عمره وانحاش بره المكتب واهو طالع صقع في فيصل
فيصل:.جسوم شفيك ماتطالع؟
جاسم:.والله كلا من اخوك خرعني
فيصل:.مين عبود؟
جاسم:.اي
فيصل:.ليـــــــــــــــــــه؟ شفيه؟
جاسم قال حق فيصل على كل شيئ
فيصل:.طيب ماقالك ولا شيئ ابد؟
جاسم:.اظاهر ان اخوك عنده حقوق الطبع محفوظه مايزيد ويعيد في الشيئ اكثر من مره
فيصل:. طيب شرايك ندخله ونسحب منه كلام
جاسم:.خوش فكره
دقو اثنينهم الباب وادخلوا
جاسم وفيصل:.السلام عليكم
عبدالله يكلم جاسم:.هذا انت مره ثانيه شتبي؟
فيصل:.عبدالله شخبارك؟
عبدالله:.مو طيب
فيصل:.ليه عسى بس مافيك شيئ؟
عبدالله:.لا مافيني شيئ بس من شفت اوجيهكم وانا مو طيب
فيصل:. عبدالله ممكن سؤال؟
عبدالله:.شتبي؟
فيصل:.شصار امس بالحفله الي عندك؟
جاسم:.اي عبود تكفى قولنا شصار
عبدالله:.تبون تعرفون
جاسم:.اي تكفى
فيصل:.بس لاتطول علشان مايحس علينا عمك انا احنا مو بكاتبنا ونتهزئ
عبدالله كان عنده عصا معلقه على الجدار وكانت هالعصى ورا جاسم وفيصل فاخذها وحطها وراء ظهره وقرب منهم
عبدالله :.قلتولي تبون تعرفون
فيصل بثقه:.sure
عبدالله توه رافع العصا بيده بيدئ مع جاسم بس الحمدالله انتبهله فيصل
فيصل:.جسوم انتبه لنفسك، طبعا هالمره اثنينهم طلعو من المكتب واهم ميتين خوف من عبدالله وتمو يركضون جنهم يهال لحد ماصادفهم في وجهم العم عبدالرحمن
العم عبدالرحمن بعصبيه:.هي انتو اشفيكم تتراكضون؟
فيصل واهو يلهث:.عبود كان بيطقنا
العم عبدالرحمن:.ليه شنو مسوين؟
كان فيصل يتكلم بس جاسم سكته علشان ماينفضحون
جاسم:.كنا نمزح معه واهو الله يهداه اخذ الموضوع جد
العم عبدالرحمن:.انتو روحو الحين مكاتبكم وبعدين شغلكم معاي
راح العم عبدالرحمن مكتبه وهم فيصل وجاسم راحو مكاتبهم
في مكتب جاسم:.
بعد مادخل رجع يكمل شغله بس كان كل اشوي يت1كر الموقف وبقعد يضحك. فجئه رن التليفون حق المكتب
جاسم:.الو
ابرهيم:.هلا والله براعي الألو
جاسم:.هههه اهلين شخبارك؟
ابراهيم:.تمام وانت؟
جاسم:.الحمدالله ههههههه
ابراهيم:.شفيك تضحك؟
جاسم:.تذكرت موقف ضحكني
ابراهيم:.شنهو؟
جاسم:.لا بعدين اقولك
ابراهيم:.طيب تعال مكنبي
جاسم:.هههههه لا مابي اتهزء مره ثانيه انت تعال
ابراهيم:.اوكي
جاءابراهيم لجاسم وجلسو يم بعض على الكنب وقال جاسم كل الي صار حق ابراهيم.
ابراهيم:.ههههههههههههههههههه
جاسم:.آآآه يالقهر نتهزئ ولا نستفيد شيئ
ابراهيم:.عندي لك خوش فكره
جاسم:.شنهي بسرعه تحجى!
ابراهيم:.شرايك اليوم نعزمه على الغداء
جاسم:.لا...عبود متهور وان سوا لنا شيئ جدام الناس
ابراهيم:.طيب نعزمه في بيتهم!
جاسم:.شلون يعني؟
ابراهيم:.يعني نخليه يروح يتغدى في بيت اهله واحنا بعد نروح وبعدين نقدر نصيده وبكذا ماراح يقدر يهرب اوحتى يطقكم
جاسم:.اي تبي تروح بيت عمي علشان يحلالك الجو هناك هاه
ابراهيم بترجي:.يلا عاد جسوم وافق
جاسم:.اوكي بدق على فيصل واقوله
فيصل:.هلا جسوم
جاسم:.اهلين هاه شلونك الحين؟
فيصل:.ههههههههههه الحمدالله
جاسم:.توني قايل حق ابراهيم ومات من الضحك علينا
فيصل:.طيب شقال؟
جاسم:.ماقال شيئ بس طلّع لنا فكره جهنميه
ابراهيم يكلم جاسم:.هات انا بقوله
ابراهيم:.اهلين
فيصل:.هلا وغلا شخبارك
ابراهيم:.تمام الحمدالله على السلامه
فيصل:.الله يسلمك اقول شنهي الخطه؟
ابراهيم قال حق فيصل الخطه كله ووافق بس شوفو ابراهيم شبيقول
ابراهيم:.سمعنا ان طبخ رند حلو عاد قولها خلها تتوصى
فيصل:.من عيوني ..يلا الوعد نهاية الدوام
ابراهيم:.اوكي باااااااااي
جاسم:.ها شصار؟...!
ابراهيم:.وافق بس ابغى اروح البيت اول
جاسم:.ليــــــــــــــــــــــــــــــــــــــــــ ـــــــــه؟
ابراهيم:.بروح ابدل تبيني اروح حق رند جذي
جاسم:. وخير هذا كل الناس تلبس دشداشه وتطلع فيها
ابراهيم:.يبا كيفك انا بروح البيت ابدل وبعدين اروح لهم
جاسم:.اذا خلص الدوام يصير خير
راح ابراهيم مكتبه وكمل شغله واهويشتغل حب يسمع موسيقى<<<متعود على حياة الاجانب
طلع الهتفون وحطه في اذانه وتم يكمل شغله لاكنه ماقدر يكمل لان الموسيقى يبغى لها هداوه وروقان.ترك الاوراق ورجّع راسه وطار فكره لرند اكييد تتسائلون ليه ابراهيم يفكر فيها وايد او في ايش يفكر؟بس راح تعرفون بعدين .
دخل عليه جاسم وكانت الساعه {12:45** وتم يناديه بس ماكان يرد عليه.
جاسم:.ابراهيم...
ابراهيم بعد ماشال السمعات:.هاه شتبي؟
جاسم:.يلا قوم تاخرنا
قام ابراهيم مع جاسم وتلاقو مع فيصل في الطريق
فيصل:.هاه شباب نتماشا؟
ابراهيم:.لا بنروح البيت نبدل اهدومنا وبنجي
فيصل:.ليه شفيها اهدومكم..؟
جاسم:.وبعدين لازم اروح اطل على الوالده انت عارف
فيصل:.على راحتكم بس لاتتاخرون
ابراهيم:.اوكي
كان جاسم راكب مع ابراهيم في سيارته لانه ماله خلق يسوق وساكتين
جاسم:.ابراهم اشفيك؟
ابراهيم :.شفيني؟
جاسم:.في المكتب يوم كنت سرحان !
ابراهيم:.آآآآآآآآآآه في رند وانا عندي احد غيرها شاغل قلبي وعقلي
جاسم:.والله انك بايخ !انا الغلطان اني سالتك
ابراهيم:.والله محد قالك تسال
جاسم وابراهيم:.السلام عليكم
مي وامها:.وعليكم السلام
مي تطالع الساعه :.شطاري راجعين مبكر
جاسم:.ماكو شيئ
ابراهيم:.جسوم يلا لا نتاخر
ام جاسم:.وين بتروحون ؟جلسو تغدو.
جاسم:.بنتغدى في بيت عمي عبدالله
ام جاسم:.طيب كان عزمتوهم عندنا
ابراهيم:.انشاء الله المره الثانيه....يلا جسوم
فوق في الغرفه
ابراهيم:.يلا خلصت
جاسم يطالع ابراهيم بنظرات كلها استغراب:.مينون انت؟
ابراهيم:.ليه شفيك؟
جاسم:.البس بلوزه فوقها او جتى جاكيت جذي جنك رايح مزرعه
ابراهيم:.انت عارف اني ماقدر
جاسم:.مو مشكله انا اساعدك
لبس ابراهيم فوقها جاكيت وكانت البدله احلى
احمد:.يلا عاد ماخلصتو؟
جاسم:.يلا حولنا
مي:.الله ...شهازين؟
ابراهيم:.مشكوره
احمد:.ترى بروح معكم
ابراهيم :.حياك
كان ابراهيم يسرع بس علشان يوصل بيت عمه بسرعه ويشوف رند. واخيرا وصلو
ابراهيم:.يلا ننزل
جاسم:.استنى اشوي اول بشوف عمي وينه ولا ناوي علي اتهزء
ابراهيم:.انت مردك بتشوفه
جاسم:.وانت شعليك
دق جاسم على فيصل وتاكد ان عمه فوق وبعدين ادخلو وكان ابراهيم في المقدمه
ابراهيم:.ماقالك وين البنات؟
احمد:.استح على وجهك ذولا بنات عمك
ابراهيم:.ياخي علشان نتطمن واحنا داخلين لاتفهم قصدي غلط
جاسم:.يقول انهم بالمطبخ
اول مادخلو:.
فيصل بصوت خفيف:.يا هلا والله بالشباب حياكم
ابراهيم يطالع باب المطبخ:.هاه قلت حق عبود؟
فيصل:.ايه وقال انه بيودي زوجته بيت اهلها وبيجي
جاسم:.حلو...هههههه
فيصل:.ابراهيم وين اخوانك؟
ابراهيم:.معتز راح يتغدى ويا مرته برا..وعبدالاله مع ربعه
دخل مشعل واهو مايدري انهم جاو وكان قاعد ينادي رند
وحتى رند ونوره مايدرون ان الشباب جاو لانهم كانوجالسين بالصاله الداخليه.
مشعل بصوت عالي:.رند...رند...وينتش.؟
رند:.انا بالمطبخ...تعال
مشعل:.لا انتي تعالي بسرعه
جاسم يقلد صوت مشعل:.لا انتي تعالي بسرعه
كلهم:.ههههههههههههههههههه
مشعل:.انتو هني؟
احمد:.لا هناك
ابراهيم ماشال اعيونه عن باب المطبخ وطلعت اخيرا رند وشافها ابراهيم بس للاسف انها بسرعه ادخلت
فيصل:.شفيك تنادي على رند؟
مشعل:.شريت لها شريط حسين الجسمي الجديد
في المطبخ :.
نوره:.اشفيتش دخلتي روحيله ليعصب!
رند:.طلعت وشفت الشباب بالصاله
نوره:.طيب عادي سلمي وساليه شيبي؟
رند:.مو شايفه الي لابسته
رند كانت لابسه تنوره قصيره وفوقها بلوزه جبنيز .
نوره:.طيب دقي عليه
مشعل:.هلا رند
رند:.مشعل تعال المطبخ
مشعل:.لا انتي طلعي عندي لتش مفاجئه
ابراهيم في نفسه:.يلا عاد طلعي اشتقتلش
رند:.لا مايصلح انت تعال
مشعل:.ليه؟...!
رند:.تعال وبس
راح مشعل لند في المطبخ وكان ماسك الكيس في يده
مشعل:.شفيتش؟
رند:.مو شايف الي لابسته....شنهي المافجئه؟
مشعل:.شنو تتوقعين ؟.
رند:.مادري
مشعل:.افضلي
رند:.هههه شريطه الجديد!
مشعل:.اي
رند حبت خده:.ميرسي
رند من فرحتها بالشريط طلعت من المطبخ وعلا طول راحت غرفتها تسمع الشريط
عندالشباب
عبدالله:.السلام عليكم
كلهم:.وعليكم السلام
جاسم:.ههههههههه
ابراهيم:.هلا وغلا والله بولد عمي
عبدالله:.اهلين شخبارك؟
ابراهيم:.تمام مادامك معنا
فيصل يطالع في جاسم واهو يضحك فما قدر يمسك ضحكته وقعد يضحك على ضحك جاسم اما ابراهيم فاكتفى انه يبتسم.
مشعل:.جسوم ضحكنا معاك
فيصل وجاسم:.ههههههههههه
ابراهيم:.ماعليك منهم
عبدالله:.انا بروح اشوف ابوي احسن لي من هالميانين
قام عبدالله وكان ابوه وامه توهم نازلين وكانت رند وراهم بعد ماغيرت اهدومها لاكن هالمره ابراهيم مانتبه لوجودها لانه كان يسولف مع مشعل
عبدالله:.هلا يبه ...هلا ييمه...شخباركم؟
اثنينهم:.الحمدالله
امه(حصه):.وين لولوه؟
عبدالله:.خواتها عند امها في البيت وديتها لهم
حصه:.سلّم عليها
رند حاطه يدها على خصرها:.وانا يعني ليه ماتسلم علي؟
عبدالله:.سوري مانتبهتلش....شخبارتش؟
رند:.تمام
عبدالله:.اقول مين الي حاط ايدينه بالغدا؟
رند:.اكيد انا ونوره يعني مين؟
عبدالله:. وانا اقول شهاريحه الزينه اثره طبخكم
رند:.طبعا وانت مفكرنا هينين
عبدالله:.ههههههه
راحت رند وبا امه المطبخ وعبدالله راح مع ابوه عند الشباب
ابراهيم يكلم فيصل وجاسم:.جاك الموت ياتارك الصلاه
عبدالرحمن:.السلام عليكم
كلهم:.وعليكم السلام
جاسم:.الله يستر
عبدالرحمن:.ها ابراهيم شلون يدك؟
ابراهيم:.لا الحين احسن
العم عبدالرحمن:.ماوصلت تقارير يدك؟
ابراهيم:.لا مابعد
العم عبدالرحمن:.اقول انتو الاثنين شسالفتكم اليوم؟
فيصل:. ولا شيئ يبه
العم عبدالرحمن:.شنو ولا شيئ وانتم قاعدين تتراكضون بالشركه جنكم يهال يعني لو احد مر شبيقول هاه؟
جاسم:.اسفين ياعمي
حصه:.يلا ياعيال الغداء جاهز
العم عبدالرحمن:.يلا قمنا
ابراهيم يكلم جاسم بصوت واطي:.اسمع اذا جلست رند انا بجلس قبالها مو تستهبل وتقعد
جاسم:.والله الاخ واثق انت من صجك ان عمي بيخليها تتغدى معنا
ابراهيم:.اي عادي مافيها شيئ
جاسم:.شنو عادي ابراهيم شفيك نسيت عادات العيله؟
ابراهيم :.اووووف
فيصل:.شباب اشفيكم؟
جاسم:.لا ولا شيئ

دخلو الشباب غرف الطعام وطبعا ابراهيم مايعرف ايش الاكله الي تحبها رند اما جاسم فكان يعرفها وخصوصا انه كل ماكان يروح يتغدى عند فيصل يوم كان ابراهيم مسافر تسوي نفس الطبق.
جاسم:.اتحداك تعرف الطبق الي رند مسويته؟
ابراهيم:.ليه انت تعرفه؟
جاسم:.طبعا اعرفه
ابراهيم:.عادي اذا شفتك تاكل اصابعك مع الطبق بعرف انه هذا طبقها الي هي مسويته صح!
جاسم:.بصراحه الثقه عندك مقطعه بعضها
العم عبدالرحمن:.بسكم ياعيال سوالف وتغدوا
واهم يتغدون ابراهيم كان يتامل الكرسي الي مقابله ويتمنى ان رند كانت تعلمه ايش الي اهي طبخته
مشعل:.ابراهيم مومعقوله تاكل بس لزانيا حطلك شيئ ثاني
ابراهيم:.بصراحه انا من عشاق الزانيا
فيصل:.عيل انت مثل رند
ابراهيم بفرح:.يعني اهي الي مسويته؟
فيصل:.اي
ابراهيم قعد يطالع في جاسم لاكنه ماضاق شيئ غير الزانيا الي كانت مسويتها حبيبة قلبه رند
جاسم وابراهيم:.الحمدالله
العم عبدالرحمن:.ماكلتو شيئ؟
ابراهيم يبغى يقوم بسرعه قبل عمه مايقوم علشان يقدر يشوف رند
ابراهيم:لا تسلم ياعمي سفره دايمه انشاء الله
جاسم:.يلا انا بروح اغسل
جاسم:.ابراهيم وين اصابيعك؟
ابراهيم:.ههههههههه اكلتهم مع الزانيا
جاسم:.ههههههههههههههههههه
تقدم ابراهيم قبل جاسم علشان يغسل وفجأه وقف وقعد يطالع رند
رند كانت جالسه على الكنب وتكلم صديقتها وتضحك معها.
ابراهيم في نفسه:.آآآآه ليتني الي تكلمينها ....يازين هالضحكه
جاسم:.ابراهيم تعال غسل قبل مايي عمي ويشكنا
رند:.اهلين
ابراهيم وبدون مايكمل غسل ايدينه على طول التفت عليها ابراهيم:.هلا فيتش..شخبارتش؟
رند:.تمام انت شخبارك وشخبار ايدك الحين؟
ابراهيم:.هههه الحمدالله
رند:.ها شرايكم بطبخي
جاسم:.حلو
ابراهيم:.شنو حلو اصلا كلمة حلو قليليه عليه قول يهبل يين (يجنن) وخصوصا انتش حاطه اصابعتش فيه
رندشبت اخدودها من الحيا:.مشكور
ابراهيم:.شدعوه هذا الحق
رند:.عن اذنكم
جاسم:.يا خي حرام عليك اشوي اشوي على البنيه
ابراهيم:. وانت شعليك؟
جاسم:.شنو شعلي البنيه كان بيغمى عليها من الحيا
ابراهيم يقرب يم المغسله:.اسكت جو
غسلو الشباب وارجعو الصاله
العم عبدالرحمن:.رند....رند
ابراهيم في نفسه:.والله انك كشخه ياعمي مشكورههههه
رند:.سم يبه
العم عبدالرحمن:.روحي جيبي القهوه
رند رتحت المطبخ واهي متوهقه ماتعرف تسوي القهوه والحين حزة غدا الخدم بس الحمدالله ان امها كانت هناك سوتها اخذتها رند وحطتها حق الرجال مع الحلا
رند:.تبون شيئ؟.
عبدالله:.كلاس ماي
رند طالعت في عبدالله من فوق لتحت ومشت ولا كنها سمعت شيئ.
جاسم بصوت واطي:.ابراهيم بسك تطالع في البنت فضحتنا
ابراهيم:.صدقني جسوم مو قادر اصد عنها
نوره ورند كل وحده منهم رقت دارها وهم العم عبدالرحمن علشان يرتاح.
احمد:.جسوم انا بروح
جاسم:.مين بيوديك؟
احمد:.مشاري بيمرني هني
جاسم:.طيب
طلع احمد ومشعل راح داره ومابقى في الصاله الا فيصل وجاسم وابراهيم وعبدالله
ابراهيم يقرب يم عبدالله:.عبدالله ممكن سؤال!
رن جوال عبدالله وقام وكانت لولوه المتصله وراح للصاله الثانيه واهو يضحكون عليه فطول معها اشوي وبعدين سكر ورجع لهم.
عبدالله:.اشفيك اسئل
ابراهيم:.بس بشرط امك ماتعصب علي
عبدالله:.على هالخشم
ابراهيم:.خله لك انا حقي عاجبني
فيصل وجاسم:.هههههههههههههههههه
ابراهيم:.شصار بالحفله الي عندك امس!
عبدالله:.وانت شدخلك؟
ابراهيم:.حبيت اعرف
جاسم:.يلا عاد عبود تكلم شصار
عبدالله قام من مكانه:.انا بروح حق رند على الاقل اهي احسن منكم
فيصل:.ما اتوقع بتفتحلك
عبدالله:.وانت شدراك؟
فيصل:. لانها اكيد مشغله المسجل وغرقانه مع الشريط
عبدالله:.لا انا اعرفها زين بتفتح......ورقى فوق
فيصل دق على رند:.الو ...رند صكي باب الغرفه بسرعه
رند:.ليــــــــــــــــــــــــه شفيك؟
فيصل:.سمعي طولي على صوت المسجل ولا تفتحين حق عبود
رند:.ليـــــــــــــــــــــــــــــــــــــــــــ ـــــــــــــــه؟
فيصل:.بعدين اقولتش يلا باااااي
رند استانست وخصوصا انها بتردها حق عبدالله وبتفشله مثل مافشلها:.اوكي
ابراهيم:.والله حرام عليك يافصول تسوي جذي برند
فيصل:.ليه حرام؟
ابراهيم:.اخاف عبود يسوي لها شيئ
فيصل:.لا ماتوقع
اشوي الا نزل عبدالله وكان موعارف وين يروح
فيصل:.ها فتحتلك
عبدالله بالصطناع:. انا لما رقيت لها فوق ماشتهيت ادخل فنزلت
جاسم:.هههههههههه طاح وجهك ههههههههه
ابراهيم:.لمه قبل مايجي احد يدوس عليه هههههههههه
ثلاثتهم:.هههههههههههههههههههه
عبدالله تركهم وطلع تمو اشوي يضحكون لا تذكر فيصل رند ودق عليها.
فيصل:.هلا رنوده
رند:.ها شرايك اعجبك
فيصل:.طبعا اقول نزلي
رند:.ليه وين عبود؟
فيصل:.ههههههههه طلع
سكرت رند وعلى طول حزلت واهي مستانسه انها انتقمت من عبدالله.
فيصل:.هلا والله وغلا
رند:.هلا بك ها قدها
فيصل:.قدها وقدود والله
ابراهيم وجاسم:.هههههههههههههه
رند تقرب يم الشباب وبصيغة امر:.شباب انا عندي طلب
فيصل:.امري تدللي
رند:.اليوم ابغاكم تطلعوني والعشاء على حسابكم
ابراهيم بفرح:.انا موافق
فيصل:.لا والله علشان تخربين الميزانيه
رند:.يحقلي مو انا رند بنت عبدالرحمن
ابراهيم يطالع في جاسم وكانه يترجاه يوافق
جاسم:.وانا موافق
رند:.عيل انا بكون جاهزه الساعه (7 ونصف) وبتروح يافيصل
فيصل:.ليه واهو على كيفتش ماني برايح
رند:.بتروح يعني بتروح وابتسمت له وراحت دارها
اطلعو الشباب يتمشون وبعدين بيرجعون حق رند
في بيت العم عبدالله
كانت مريم توها مخلصه من روايه وكانت النهايه حزينه فبجت معا اشوي سكرت كل شيئ وراحت تغسل علشان تصلي.
عبدالاله بخوف:.مريوم اشفيتش
مريم:.خلّصت الروايه
عبدالاله:.حلوه
مريم:.تينن
عبدالاله:.اوكي جيبي الالبتب حقتش وتعالي الصاله
مريم:.بروح اصلي وبعدين بجيك
راحت مريم صلت وبعدها راحت الصاله
مريم:.ها موجوده؟
عبدالاله:.اي صبري ارسلها على سطح المكتب
عبدالاله:.شكرا
مريم:.عفوا
عبدالاله:.طيب اكيد حلوه؟
مريم:.انت اقراها وقرر
عبدالاله:.اخاف اقراها وماتعجبني؟
مريم:.بتعجبك
راحت مريم دارها ونامت على المغرب كان تليفون البيت يرن ومريم نايمه وم حاسه بشيئ وهم امها وابوها لاكن لحق عليه عبدالاله ورفع.
منيره:.السلام عليكم
عبدالاله:. وعليكم السلام ..منو؟
منيره:.انا منيره منو عبدالاله؟
عبدالاله:.اي هلا شخبارتش؟
منيره:.الحمدالله:.انت شخبارك؟
عبدالاله:.تمام
منيره:.مريم موجوده؟
عبدالاله:. أي دق على جوالها
منيره:.دقيت ولقيته مقفل
عبدالاله:.طيب دقيقه اشوف وينها
راح غرفتها وصحاها علشان تكلم منيره واهو طلع
مريم:.الو
منيره:.اهلين شخبارتش؟
مريم:.تمام انتي شخبارتش وشخبار البيبي؟
منيره:.الحمدالله مريوم ماعندتش روايات يديده
مريم:.ليه تبين؟
منيره:.اي علشان اشغل وقتي فيهم
مريم:.طيب تعالي عندي
منيره:.لا فشله انتي تعالي بيتنا
مريم:.ليه فشله انتي جايه بيت عمتش مو بيت احد غريب
منيره:.مريوم خلاص قلتلتش تعالي بيتنا تعالي
مريم:.هههههههه اوكي
منيره:.عيل انا بنتظرتش هناك ولا تنسين الابتب
مريم:.اوكي قبل ماتطلعين دقي علي
منيره:.اوكي بااااااااي
سكرت مريم وكانت امها توها صاحيه من النوم
الام:.منو تكلمين؟
مريم:.هذي منيره تبغاني اروح بيت عمي
الام:.خليها تجي هني
مريم:.قلتلها ومارضت يلا ان بروح اصلي وبعدين بروح لها
دقت منيره على مريم قبل ماتطلع وراحت مريم بيت عمها واستغربت مريم لما شافت سيارة ابراهيم موجوده بره بس عادي.
منيره:.هلا وغلا
مريم:.اهلين
منيره:.حياتش
نوره واهي على الدرج:.ماصدق مريومه عندنا بالبيت
مو معقوله
مريم:.ههههه شفتي عاد
نوره تسلم عليها:.شخبارتش؟
مريم:.تمام
نوره:.مناير شخبارتش وشخبار البيبي؟
منيره:.الحمدالله الا وين رند؟
نوره:.مادري انا علمي فيها وقت الغداء
مريم:.اقول انوري{دلع نوره** ابراهيم متغدي عندكم اليوم؟
نوره:.اي اهو وجاسم ليه؟
مريم:.ماكو بس شفت سيارته على الباب
منيره:.انوري روحي نادي رند
نوره:.مريوم جبيت الالبتب
مريم:.ههههههه اكيد
نوره تدق الباب على رند:.رند...رند
رند:.دشي(دخلي)
نوره:.شهالكشخه على وين؟
رند:.بطلع مع فيصل وابراهيم وجاسم
نوره:.والوزاره وافقت{تقصد امها وابوها**
رند:.مابعد اوقولهم
نوره تغمز لها:.ماتوقع بيافقون
رند:.وانتي شتبين جايه؟
نوره:.مريم بنت عمي عبدالله تحت يعني حولي
رند:.وجابت الالبتب
نوره:.اي
حولت نوره الا بخلت الشباب(ابراهيم وفيصل وجاسم)
الشباب:.السلام عليكم
البنات:.وعليكم السلام
ابراهيم:.ها مريومه انتي هني
مريم :.اي هني وينك يالقاطع؟
ابراهيم:.انا قاطع انتي وينتش مختفيه؟
مريم:.ليه جنيه؟
كلهم:.هههههههههههههه
دخلت رند على امها وانتظرتها لحد ماتخلص من الصلاه
رند:.تقبل الله
الام:.من ومنكم صالح الاعمال
رند:.يمه معليه اطلع مع فيصل؟
الام:.ليه؟
رند:.اشتهيت
الام:.ومنو معاكم؟
رند ماحبت تكذب على امها:.ابراهيو جاسم عيال عمي

***هل راح توافق الوزاره على طلعت رند وابراهيم على قولتكم بيبوح لند بحبه لها***

*·~-.¸¸,.-~*كل هذا راح نعرفه بالجزء الجديد الي راح انزله انشاء الله باقرب وقت وراح يكون طوووووووويل*·~-.¸¸,.-~*

الله وناسه طويله Very Happy

بسمر عليها اليوم ...

ولي عوده

......

DooBa

خلصت هالجزيئه ..

وانتظر التالي Very Happy

..

.......

..: دووبــــــــــــا :..

الام:.لا ماكو طلعه
رند:.ليه يمه عادي
حصه:.شنو عادي تطلعين مع شباب عادي
رند:.يمه هذولا عيال عمي
حصه:.هذ انتي قلتيها عيال عمتش يعني اغراب يعني لا
رند:.واذا ابوي وافق
حصه:.مو موافق
رند:.الو ..هلا يبه
الاب:.هلا رند
رند:.يبه ممكن اطلع مع فيصل
الاب:.بس انتي وفيصل؟
رند:.لا..انا وفيصل وابراهيم وجاسم
الاب:.لا لاتطلعين
رند:.ليه؟
الاب:.انا قلت لا يعني لا يلا مع السلامه
حولت رند تحت واهي ميته من القهر لانها ماراح تطلع مع الشباب مع انها كانت متحمسه ومشتهيه جذي طلعه حولت واعيون ابراهيم كانت بتاكلها.
رند بحزن:.السلام عليكم
كلهم:.وعليكم السلام
رند تسلم على مريم:.شخبارتش.؟
مريم:.الحمدالله انتي شخبارتش.
رند:.ماشي الحال
نوره تكلم رند:.ها وافقت الوزاره؟
رند:.مالتش دخل
ريم ولمى:.مساء الخير
كلهم:.مساء النور
راحت ريم تسلم على منيره ونوره ومريم ورند ولمى مازالت واقفه في مكانها وتطالع في جاسم وكانها اول مره تشوفه .
لمى في داخلها:.آآآآه جنك تدري اني حيل مسشتاقتلك...يازينك..
نوره:.لمى شفيتش واقفه
لمى:.ها.. لا... ماكو شيئ
رند:.فيصل ممكن اشوي!
راح فيصل ورا رند لحد مادخلت المطبخ
فيصل:.اشفيتش؟
رند:.فيصل خلاص روحو انا مو رايحه معكم
فيصل:.ليــــــــــــــــــــــــــــــــــــــــــ ـــــــــــه
رند:.الوزاره ماوافقت
فيصل:.اي واحد فيهم
رند:.اثنينهم!
في الصاله كان ابراهيم جالس على اعصابه لانه حس ان رند فيها شيئ مو طبيعيه
ابراهيم:.جسوم قوم نروح لهم
جاسم:.وانت اشعليك منهم
ابراهيم:.انا حاس ان رند فيها شيئ وجهها مو طبيعي
جاسم:.اشوي وبيجون
ابراهيم:.عن اذنكم
فيصل:.خلاص انا بدق عليه واقنعه
ابراهيم:.شفيكم؟
فيصل:.الوزاره مو راضين لها تروح معنا
ابراهيم:.ليه؟
فيصل:.مادري انا بدق عليه واقنعه
رند:.لا تكفى لا تدق
جاسم:.ليه يمكن اذا كلمه بيوافق
ابراهيم طلع جواله:.انا بدق
رند تقرب يم ابراهيم:.ابراهيم لا تدق عليه
ابراهيم:.لا بدق انتي مو طالعه مع احد غريب
رند:.ماعليه انشاء الله مره ثانيه
جاسم:.طيب شنو بتسون؟
رند:.خلاص انتو طلعو واستانسو وانا بجلس هني مع البنات
ابراهيم:.لا انتي بتطلعين معنا
رند:.خلاص شباب علشان خاطري لا تسببون لكم أي احراج مع ابوي وخلاص طلعو
جاسم:.اوكي
اطلعت رند وراحت مع البنات وبدت السوالف اشوي الا بطلت الشباب من المطبخ وجلسو بالصاله الثانيه.
ابراهيم:.ابا بطلع تبون شيئ؟
فيصل:.وين بتروح؟
ابراهيم:.تذكرت كم شغله بروح اخلصها يلا بااااااي
جاسم كان عارف ان ابراهيم بيروح البحر علشان ماقام معه وتركه بروحه يرفه عن نفسه ويوصل لقرار محدد
راح ابراهيم للبحر وجلس على التراب واهو مطول على موسيقى هاااااديه مره وغارق بالسرحان.
ابراهيم:.انا لازم اروح اخطبها مو حاله كل ماجيت افرح اني بشوفها تخترب السالفه شهالحظ.آآآآه يارند متى بيجي الوقت الي بصير انا وياتش في بيت واحد ولا احد له دخل فينا ابد نروح ونجي ونسوي الي نبغاه لا بوي مو راضلي ولا امي هههههه الله يجيب هذاك اليوم بسرررررعه آآآآآآآآمين.
الحب في دنيا المحبين أســرار
وحبك بقلبي فاضحنه عيوني
هرجي كله صار مواويل وأشعار
ماهو بكيفي صار حبك جنوني
ياسكن بقلبي ولك ألف مقــدار
تعال وخفف لوعت الشوق ياعيوني

الساعه تسع باليل وابراهيم مازال يفكر برند وبخطبته وفي بيتهم بس قطع عليه هالافكار صوت جواله.وبعد مده رفع.
ابراهيم بحزن:.هلا جاسم
جاسم:.اهلين وينك؟
ابراهيم:.شكلك تستهبل انا في البحر
جاسم:.في أي جهه لاننا بنجيك
ابراهيم:.فيصل معك؟
جاسم:.ايه
وصف ابراهيم حق جاسم الطريق لحد ماوصلوله.
جاسم:.الله بالخير
ابراهيم:.ههههه هلا
فيصل:.شفيك محزن؟
ابراهيم:.ماكو شيئ عادي
فيصل:.تجذب علينا تقول عندي شغل وتروح البحر
ابراهيم بارتباك:.توني..توني جاي قبل اشوي
فيصل:.طيب وين نجلس؟
ابرهيم:.هني على الارض
فيصل:.عيل وين الاتكيت والذرابه والكشخه ولا نسيتها في استراليا وجيت؟هههههه
جاسم:.ههههههههههه
ابراهيم:.بايخه ...خلصو جلسو!
جلسو على الارض وكان كل واحد منهم يسولف بس سوالفهم عاديه
فيصل:.شباب قومو نتمشى على البحر
واهم يتمشون اخذ جاسم اشوية مويه وتشر على فيصل وابراهيم
فيصل:.هي انت اشفيك ماتطالع
جاسم:.انا ماطالع..{وقعد يطشر عليه وابراهيم ماقصر بس بخفيف**
ابراهيم:.فصيل خلاص جسوم حرام عليكم مليتو ايدي
فيصل:.طيب ليه تطشر علي( وطش رعليه )
ابراهيم:.عيل عادي تطشر على ايدي
فيصل:.اي
ابراهيم:.هين انا اراويك
ابراهيم سبح فيصل بالماي اما جاسم فكانه ماسوى شيئ
فيصل بصوت عالي:.بس عاد سبحتني
ابراهيم:.عيل عادي عنك تملي ايدي انت وجههك.....
فيصل:.اوكي يلا نمشي لاني بخيس ان جلست جذي
ابراهيم:.انا ماراح اروح
فيصل:.يلا عادابراهيم لا تصير نذل قوم وصلني لحد سيارتي وروح.
ابراهيم:.لا
جاسم راح سيارة ابراهيم وشغل اغنية احلى اثنين حقت راشد الفارس .
عزاه ياقلبي من الهم عزاه من ومن يواسي دمعتي قال خيره
وشلون خيره بعد فرقاه لا تقولو خيره خيبه كبيره
يالي تواسيني كلامك حفظناه انا ابغى منك خدمتين صغيره
ودي تروح تبلغ الشيئ معناه الي يحبك يبغى كلمه اخيره
ان كان يبغاني فهذا الي ابغاه وان ماقبل قله خساره كبيره
بكره الندايم والحسايف تولاه يندم وانا عارف الندامه مريره
ان جاء يبي قربي فلا اظن ابجفاه انا ظميري يختلف عن ظميره
لنا اشهد ان قلب على اقفاه ولا خفوقي ماهو كل من يسيره

قعدو يرقصون واستهبلو اشوي بس كان مستانسين بعد ماخلصت
ابراهيم:.ها انشفت ملابسك؟
فيصل:.اي يلا
ابراهيم:.يلا جسوم
وصّل ابراهيم فيصل لحد سيارته اما جاسم فراح مع ابراهيم.
فيصل يدق على جاسم:.هلا جاسم
جاسم:.هلا
فيصل:.وين بتروحون؟
جاسم:.بنروح بيتنا ...شرايك تجي تنام معنا؟
فيصل:.طيب عندك لي هدوم؟
جاسم:.اي عندي
ابراهيم:.شسالفه؟
جاسم:.بينام معنا وسالني اذا عندي له اهدوم ولا ولا؟
ابراهيم:.وش قلتله؟
جاسم:.قلتله أي لاني..اتوقع ان عندي
ابراهيم:.ليه ماقلتله لا
جاسم:.ليه اجذب؟
ابراهيم:.علشان نروح بيتهم واشوف رند
جاسم:.بو خليل انت وبعدين معاك تراك حومت جبدي معها..ماشبعت هذا انت طول الظهر وانت عندهم!
ابراهيم:.وانا اقدر اشبع من شوفتها
وصلو بيت العم عبدالعزيز وادخلو ثلاثتهم مع بعض..وكانت مي تكلم بالجوال وامها جالسه يم التلفزيون.
ثلاثتهم:.السلام عليكم
مي بعد ماسكرت وامها:.وعليكم السلام
الام:.ها فيصل اشلونك واشلون ابوك وامك؟
فيصل:.طبيبن
الام:.وخواتك واخوانك؟
فيصل:.بخير
مي:.شباب شعندكم على هالجمعه؟
جاسم:.ولا شيئ
مي:. عموما الله يدوم هالجمعه وهالفرحه عليكم
ثلاثتهم:.آآآآآآآآآآآآآآآمين
الام:.يلا انا بروح انام تصبحون على خير
كلهم:. وانتي من اهل الخير
فيصل:.شباب شرايكم نسوي عشاء
ابراهيم:. والله فكره انا من غادي ماضقت شيئ
مي بخيبة امل:.انا قلت ماتجتمعون الا ويصير وراكم شيئ
فيصل:.ليه حرام نطبخ؟
مي:.لا بس بتطيح على راسي لاني انا الي بغسل بعدكم
جاسم:.تركيهم باجر الخدم يغسلونهم
مي:.احلف عاد علشان يخيسون...سمعو انا عندي لكم خوش راي
ابراهيم:.شنهو؟
مي:.طلبو لكم من المطعم احلى واريح لكم والحساب علي
فيصل:.لا هههههههههههه
مي:.اصلا مافي شيئ بالثلاجه
ابراهيم:.هههههههههه جربي غيرها
مي:.ياربي
جاسم:.هيا يارفاق لننطلق الى العمل (وراحو للمطبخ)
مي:.يالله شهالحاله....اوف
وراجعت تطالع التلفيزيون واهي مغصبه اشوي الا دخل احمد
احمد:.مساء الخير
مي بعصبيه:.مساء النور
احمد:.شفيتش معصبه؟
مي:.لان الثلاثي المرح قاعدين يسون لهم عشاء بالمطبخ
احمد بفرح:.صج..عيل اشوه اني ماتعشيت
مي :.هذا الي بيبلي الجلطه
احمد:.بسم الله عليتش
فصخ احمد جاكيته واهو فرحان امي قررت انها ترقى دارها تنام وماتغسل ولا شيئ
احمد:.بونجور
ثلاثتهم:.وعليكم السلام
جاسم:.حمود وين مي؟
احمد:.رقت دارها واهي شابه ناااار
ابراهيم:.هههه مسكينه
احمد:.ها اساعدكم
فيصل اهو الي راح يطبخ فكان متوهق في حاجه والحين يبقطها على احمد كيفه اهو الي قدم مساعتده لنا.
فيصل واهو يغمز حق جاسم وابراهيم:.متاكد
احمد:.اي ليه؟
فيصل:.اخاف انك منت بقدها؟
احمد:.افا عليك قدها بس شنهو؟
فيصل:.قطع البصل
احمد:.ايش عيد ماسمعت!
فيصل:.بالعربي قطع البصل والانجليزي cut the onuns وبالفرنسي...
قاطعه احمد:.انا..
فيصل:.اي انت
ابراهيم:.ها شكلك منت بقدها...
احمد:.قدها...جاسم وين القفاز
جاسم:.مادري
دور عليه احمد واخيرا لقاه وبدا في تقطسع البصل وعيونه مسكين صارت حمر وتدمع..وثلاثتهم كانو يضحكون على شكله اما جاسم فكان عليه سلق المكرونه وابراهيم يقوم باشياء بسيطه جدا مثل بشر الجبن وغيره علشان يده.
راح جاسم للثلاجه علشان يشوف شيئ يشربونه
وصرخ بصوت عالي:.OH….MAY ….GOOD
فيصل وابراهيم:.شفيك؟
{احمد ماسال لانه مو حاس بشيئ غير الحراره الي بعيونه**
جاسم:.ماتصدقون؟
ابراهيم:.شنو
جاسم واهو يطلع الكيسه من الثلاجه:.بصل مقطع
ثلاثتهم:.ههههههههههههههههه
احمد واهو يمسح اعيونه:.اشفيكم تضحكون؟
ابراهيم:.والله وجاك الفرج ياحمود
احمد:.في ايش؟
جاسم:.لقيت بصل مقطع في الثلاجه
احمد:.اشوه الله عالم بالحال فكني من هالمهمه الصعبه
بعد ماخلصو من العشاء حطو الصحون في المغسله واطلعو من المطبخ.
احمد:.انا بعد هالطبخه بروح انااااااام
ابراهيم:.هههههههه
احمد:.احس اني مو قادر اتحرك جسمي ينادي الفراش
فيصل:.هههههههههههه
احمد:.يلا تصبحون على خير
ابراهيم:.خلونا نطلع نتمشى
اطلعو وقعدو يتمشون في الحديقه لفتره طويييييله.
فيصل:.شرايكم نلعب كوره
ابراهيم:.ليه ناوي عليهم يطلعون؟
فيصل:.طيب وش نسوي؟وين نروح؟
جاسم:.شرايك نروح المسبح؟
فيصل:.خوش فكره
ابراهيم يقلد صوت فيصل:.خوش فكره....لا والله ؟
فيصل:.ليه؟
ابراهيم:.ويدي
جاسم:.مو لازم تسبح بس تفرج علينا
ابراهيم:.ليه قالولك ياهل اقعد اتفرجك عليكم
فيصل:.خلاص محنا سابحين علشان خاطرك
رن جوال فيصل وكانت نغمة رسايل وثلاثتهم استغربو من الي بيرسل هالحزه وخصوصا ان الساعه الحين (3 الفير)(الفجر)
ابراهيم:.فصول مين الي دازلك مسج هالحزه
جاسم:.لا يكون عندك قيرل فرند؟
فيصل:.يمه منكم استنو اشوي خلوني افتحها
فيصل فتح المسج وقراه وقعد يضحك!
جاسم:..وتضحك بعد صج انك جليل حيا(قليل حيا)
فيصل:.ياخي اشفيكم هذي رند اختي
ابراهيم بخوف:.شفيها.... لايكون عبود سوى لها شيئ؟
فيصل:.هههههههههه لا
ابراهيم:.عيل اشفيها؟
فيصل:.ماكو بس دازت هالمسج تسال عني؟
ابراهيم:.طيب كلمها طمنها عليك
فيصل:.لا قالتلي لاتدق
جاسم:.ليه؟
فيصل:.تقول اخاف احد يمر ويسمعني اكلم في هالوقت ....ودز لها مسج
طبعا ابراهيم استانس وااااايد وكبرت رند في نظره وتمنى هالحظه تصيرله وفي اقرب وقت.
اشوي الا وصل من رند مسج ثاني وقراه هالمره فيصل بصوت عالي.
فيصل:.سمعو مسج رند علشان ماتقولون ان عندي قيرل فرند
فيصل:.سلملي على مرت عمي ومي. والله لايفرقكم **هههههه{ لا تنسون صلاة الفير ترى مابقى عليها شيئ ولا تدز مسج لاني بنااااام(تصبح على خير).
فيصل:.ها صدقتو؟
جاسم:.اي
ابراهيم:.اقول ليه مانسجل في معهد نتعلم فيه اللغه الفرنسيه
فيصل:.انا مالي خلق حدي الدوام وبعدين احنا عندنا لغه انجليزيه توب يعني مالها داعي.
جاسم:.حتى انا مابغى
ابراهيم:.على راحتكم
فيصل:.الحين صج الي يعد النجوم يطلعله ثالول
ابراهيم:.ليه؟
فيصل:.بس اسال
جاسم:.عمركم ركبتو اسماء بالنجوم؟
ابراهيم:.لا
وقعدو يحاولون لحد مالقى فيصل اسم ( مي ) وجاسم (هبه) استغرب وخاف بنفس الوقت لما طلعله الاسم >>>الله يستر.
فيصل:.ها جسوم تعيب علي وانت ولا كانك مسوي شيئ
جاسم:. وانا شمدراني منو هذي؟
ابراهيم:.لا يكون بتعرس؟
جاسم بتردد:.لا
ابراهيم:.عيل منو هذي هبه
جاسم بخوف:.وانا اشدراني وبعدين اسمها طلع جذي
فيصل:.ههههههههه
ابراهيم واهو يتثاوب:.يلا خلونا نروح ننام
فيصل:.لا انتظر اشوي نصلي الفير ونروح ننام
جاسم:.ابراهيم شصار على اوراق ايدك؟
ابراهيم:.مادري الى الحين ماحد دق علي
فيصل:. واهم وين ارسولها؟
ابراهيم:.مادري
اشوي الا اذن الفير وراحو المسجد الي يم بيتهم وارجعو.
في غرفة جاسم:.
ابراهيم:.جسوم وين هدومي؟
جاسم:.في الدولاب
فيصل:. وانا وينها؟
فيصل:.شقالو لكم اشتغل عندكم انا؟
فيصل:.yes
جاسم:.اقول اقلب وجهك
فيصل:.اي صفحه؟
فيصل وابراهيم:.هههههههههههه
نامو الشبا ب وتو على هالحال يومين وخصوصا ان ماعندهم شغل بالشركه.واستانسو بهالجمعه مع بعض.
يوم السبت:.
في بيت ريم بنت عبدالرحمن... وبالتحديد عند لمى بنتها.
لمى صحت من النوم مبجر على غير عادتها حاسه انها اشبعت نوم غسلت وراحت للحديقه كان ودها تسوي رياضه لأ ن الجو كان حلو.
بعد ما خلصت دخلت الصاله علشان تريح اشوي وجاتها الخدامه.
الخدامه:.lama….you wany eat break fast
لمى:.yes
الخدامه:.you want hir or out said
لمى:.hir
راحت الخدامه وسوت حق لمى الفطور وبعد مافطرا صحت امها ريم.
لمى واهي تحب راس امها:.صباح الخير يمه
ريم:.صباح النو ..غريبه لمويه صاحيه مبجر؟
لمى:.حسيت اني شبعت نوم
ريم:.فطرتي؟
لمى:.اي الحمدالله
لمى:.ماما ممكن طلب؟
ريم:.شنهو؟
لمى:.ماما شرايتش نروح البحر ويا العيله كلها...
ريم:.مادري اخاف ابوتش مشغول..
لمى:.انا بكلمه واقوله
كلمت لمى ابوها وفي حوالي ساعه انتشر الخبر في العيله كلها ومابقى جدتها حصه تعلمها.
لمى:.السلام عليكم
حصه:.وعليكم السلام
لمى حست ان جدتها ماعرفتها:.صباح الخير يا حلو
حصه:.صباح النو منو؟
لمى:.ماصدق ماعرفتي صوتي؟
حصه:.لمى
لمى:.اي
حصه:.شلونكم يمه شخباركم؟
لمى:.الحمدالله بخير انتي شلونتش وشلون يدي؟(جدي)
حصه:.بخير
لمى:.ترنا اليوم بنروح البحر بنتغدى وبنتعشى هناك
حصه:.عسى قلتي للجميع؟
لمى:.اي وان شاء الله كلهم بيجون.....بس انتو لا تتاخرون.
الا بدخلة فيصل حصه:.طيب يلا مع السلامه
فيصل واهو يحب راس امه:.هلا يمه
حصه:.ماطرا ترجع من بيت عمك!
فيصل:.هههههههه انا جاي اخذ لي هدوم وراد مره ثانيه
حصه:.كيفك بس توها داقه لمى وتقول انهم بيروحون البحر بيتغدون ويتغشون.
فيصل زاهو على الدرج:.خلاص عيل بجي معكم
حصه:.عيل دق على جاسم وابراهيم وأّكد عليهم.
راح فيصل داره اخذ له شور ولبس وكان كاجول مره رن جواله
فيصل:.هلا ابراهيم
ابراهيم:.اهلين وينك؟
فيصل:.اشوي وبطلع من البيت
ابراهيم:.وين بتروح؟
فيصل:.ليه ماحد قالكم ان لمى عازمه العيله في البحر
ابراهيم:.لا .............(دخلت رند غرفته)
فيصل:.ابراهيم دقيقه
فيصل:.هلا وغلا بهالزين هلا
رند:.اهلين شخبارك؟
فيصل:.تمام...وانتي؟
رند:.دامي شفتك بخيييير
فيصل يكلم ابراهيم:.ابراهيم الحقني بذوب من هالكلام
ابراهيم:.اشفيك؟
فيصل:.رند فاعده تدلعني
ابراهيم:.مين قدك؟
رند واي تحوس بالكوميدينه:. بصراحه انا زعلانه منك يالثلاثي المرح هههههههههه
فيصل:.ها....شقلتي....زعلانه
رند:.اي زعلانه عيل يالظالم تنام بيت عمي ثلاث ايام ولا حتى تفكر تسال غني ولا تمر علي .ماجني اختك؟
فيصل:.ههههههههه تعالي شنو ثلاثي مرح مين الي قالتش عليها؟
رند:.ههههههههه مي
فيصل:.ابراهيم..مي فضحت لقبنا
ابراهيم:.اي لقب؟
فيصل:.ثلاثي مرح
ابراهيم:.ههههههههههههه
رند:.يلا باااااااااي
فيصل:.وين بتروحين؟
رند:.بطلع مع رفيجاتي
فيصل:.يعني منتي جايه البحر
رند:.اصلا انا جايه اسلم عليك واطلع وبعدين انت عارف العاده
فيصل:.اوكي باي
فيصل:.سوري ابراهيم طولت عليك
ابراهيم متونس بهالمكالمه لانه سمع فيها صوت رند ومن فرحته كان ينقز لما يسمع صوتها.
ابراهيم:.لا عادي
فيصل:.ها بتروح
ابراهيم:.مادري بس انا بروح الحين المجمع اشتريلي هدوم.
فيصل:.ليه
ابراهيم:. ودي اغير..الا مين بيجي؟
فيصل:.اتوقع كلهم ماعدا انتو... ورند
ابراهيم باستغراب:.ليه رند موجايه؟
فيصل:.لانها بتطلع مع رفيجاتها واهي اذا اطلعت ماترد الا باليل.
ابراهيم بحزن:. وانت بتيي معنا؟
فيصل:.لا بروح البحر
ابراهيم:.اوكي بااااااي
جاسم:.اشفيك؟
ابراهيم:.رند
جاسم:.اشفيها بعد؟
ابراهيم:.مو رايحه معهم البحر
جاسم:.بحر...منو الي بيروح البحر؟
ابراهيم:.العيله كلها
جاسم:.طيب خلنا نروح معهم
ابراهيم:.لا
جاسم:.ليه لا؟
ابراهيم:.علسان رند مو معهم
جاسم:.يعني اذا رند مو معهم ننحرم من الروحه
ابراهيم:.جنك نسيت انا اجنا بنروح المجمع
جاسم:.ناجل روحة المجمع لباجر اليوم نروح معهم
ابراهيم:.لا..اذا تبي تروح كيفك بس انا مو رايح
جاسم:.انزين متى بنروح المجمع؟
ابراهيم:.نتغدى ونروح
جاسم:.طيب نتغدى معهم في البحر وبعدين نروح المجمع
ابراهيم:.لا
جاسم:.اظاهر انت اليوم عندك عقده في حرف الا كل شيئ لا
ابراهيم:.لا
جاسم وابراهيم:.ههههههههههههه
تغدو وراحو المجمع وتمو اشوي فيه وبعد العشاء راحو المجمع الثاني. واهم يتمشون فيه.
جاسم:.ابراهيم
ابراهيم:.هلا
جاسم:.انا مشتهي كوفي
ابراهيم:.طيب
جاسم:.انا بروح اشتريلي تبي؟
ابراهيم:.انزين شرايك نروح نودي الغراض السياره وبعدين نروح نتقهوى في احد هالمقاهي
جاسم:.اجل روح ودهم زانا بنطرك بالمقهى
ابراهيم:.احلف عاد شلون تبيني اشيل كل هذولا وايدي
جاسم:.اوه صح نسيت
راحو ودو الاغراض السياره وجلسو في المقهى واهم يتقهون.
جاسم:.ابراهيم..ورا ء مانفتح البلوتوث
ابراهيم:.ليه تبي تجدد
جاسم:.اشوي احس ان الي عندي صار عتيج
فتحوه ووصلتهم اشياء حلوه تفحسطات ونكت يعني اضحكو اشوي.
عند رند
رند كانت مع رفيجاتها مها وايمان وكانت مهستره على الاخر.
رند:.ههههههههههه
مها:.رند وبعدين
رند:.هههههه ولا قبلين
ايمان:.شرايكم نحضر سينما؟
رند:.كيفكم
مها:.امنشاء الله يكون في فيلم لشاروخان
ايمان:.وع من زينه هالهندي
مها:.لات مو حاصلتش حبيبتي واحد نفسه!شعر سلاسل حرير ملح ورزه وجمال وااااي شتبين اكثر من جذي
رند:.انتو روحو هناك وبعدين يصير خير
راحو ومالقو الا افلام مصريه فدخلو واحد من افلام محمد سعد الجديده(كتكوت).
جاسم:.ابراهيم شرايك نحضر سينما
ابراهيم:.اوكي
احجزو وعلى طول ادخلو الفيلــــــــــــــــــــــــــــم
ابراهيم وجاسم كانو جاسين ويمهم حوالي اربع او خمس بنات واهم من ادخلو واهم طايحين في الفيلم ضحك حتى على اتفه الاشياء.
ابراهيم بعصبيه:.جاسم قوم نطلع.
جاسم:.إستنى اشوي الحين يبخلص الفيلم...هههههههه
ابراهيم:.انت مو سامع هالسخيفات اللي يضحكون؟
جاسم:.ماعليك منهم
بعد ماخلص الفيلم طلع ابراهيم واهو معصب بيروح يتخانق مع البنت الي كانت بالسينما. >> > مسويلي فيها مصلح اجتماعي<<<
$ يا ترى منهم هالبنات وشلي راح يصير مع لمى بيروحون البحر ولا لا.
في البحر:.
لمى كانت حدها معصبه لانها ماسوت كل هذا الا علشان تشوف جاسم.
لمى:.خالي فيصل مين بقى ماجى؟
فيصل:.ليه؟
لمى:.بس كذا اسال
فيصل:.ههههههه مو لازم تسالين
لمى:.ليه؟
فيصل:.كذا
لمى:.الحمدالله والشكر
وراحت لمى حق الحريم وجلست تسولف مع البنات لاكن جاسم ماغاب عن بالها.
لمى:.مي وين جاسم؟
مي:.ليه ابراهيم هنا
لمى:. ماتوقع..ليش وينهم؟
مي:.في المجمع
لمى:.شسون ليه مايوي هني؟
مي:.مادري

في المجمع:.
بعد ماطلع ابراهيم من السينما قعد يلحق البنت وجاسم كان يهديه لاكن ماكن يسمعله ابد اما البنت فكانت حاسه بعصبية ابراهيم .
ابراهيم:.لوسمحتي؟
..... ببرود واهي معطته ظهرها:.نعم
ابراهيم بعصبيه:.شقالولتش اصغر اعيالتش تحاجيني جذي
..... واهي تلتفت:.نعم
ابراهيم:. لا ....رند
رند:.هههههههههههههههه
جاسم:.هههههههههههههه
ابراهيم:.هذا انتي الي في السينما...ههههههههههههه
رند:.وانت الي كنت معصب مني؟ههههههههههههه
جاسم:.الحمدالله انتش انتي يارند ولا جان الحين احنا بالمخفر
رند:.اوف لهادرجه كنت مزعجنك؟
ابراهيم:.بس حلوه مادام انها منتش
رند بخجل:.مشكور
جاسم:.ها نمشي؟
رند:.بتروحون البحر
ابراهيم:.انتي بتروحين؟
رند:.لا
جاسم:.ليش؟
رند:.لاني بروح اتعشى مع رفيجاتي وانتو ...(كانو رفيجاتها ياشرون لها علشان تجي)
ابراهيم:.لا
رند:.هههههه ليه؟
ابراهيم:.مالنا خلق
رند:.طيب عن اذنكم
ابراهيم:.مع السلامه
مشت رند وابراهيم تم يطالعها لحد ماختفت ولا صار لها اثر.
ايمان:.رنوده منو هذولا؟
رند:.عيال عمي
مها:.هذولا اخوان فيصل اخوتش؟
رند:.اي
ايمان:.مشاء الله يهبلون
رند:.اي وخصوصا ابراهيم مملوح بقوووووه
مها:.بقواتش حاجه بس لا تفهميني غلط
رند:.قولي
مها واهي تغمز لرند:.شكل الولد متولع فيتش
رند بااستغراب:.ولد... منو؟
مها:.ابراهيم
رند:.صج انتش فااااضيه
ايمان:.وهذا الصج انتي ماتشوفين الي احنا نشوفه
رند:.اقول قومو نمشي ابغى اتعشى!
واطلعو من المجمع وحتى ابراهيم وجاسم واهم في السياره.
جاسم:.ها وين نروح؟
ابراهيم:.انت حرك وبعدين يصير خير
بعد نصف ساعه..جاسم:.وين نروح
ابراهيم:.شرايك نروح الديسكو!
جاسم اتغرب ووقف السياره على جنب
ابراهيم:.اشفيك؟
جاسم:.عيد اشقلت وين تبي تروح؟
ابراهيم:.ودي اروح الديسكو
جاسم:.مينون انت
ابراهيم:.ليــــــــــــــــــــــــــــــه؟
جاسم:.انت جاس بالكويت مو باستراليا
ابراهيم:.طيب عادي
جاسم:.انت شكل روحتك لأستراليا نستك عادات العيله وتقاليدها
ابراهيم:.يعني اشلون؟
جاسم:.يعني ماكو روحه ديسكو ...وبعدين احنا مو متربين على جذي ولا تنسى العادات والتقاليد
ابراهيم:.ياربي على هالعادات والتقاليد أي ماخلصت
جاسم:. ولا راح تخلص
ابراهيم :.عيل خلنا نروح البيت
جاسم:.لا بنروح البحر
ابراهيم:.لا ...لا ...تروح
جاسم:.مو على كيفك
ابراهيم حس ان في دخان في السالفه:.جسوم شعندك بالبحر؟
جاسم:.اذا رحنا بتعرف
في المطعم:.
رند وايمان ومها رند ارجعت لهسترتها مره ثانيه وصاير شكلها يضحك.
مها:.ند...خلاص عاد
رند:.عاد ولا ثمود...هههههههههههه
كلهم:.ههههههههههههههههههههههههههههههههههه
ايمان:.رنوده انتي صاحيه؟
رند:.لا نايمه هههههههههههه
مها:.ايمان وبعدين وياها
ايمان:.تركيها اشوي وتفش
واهم يتعشون جات على بال ايمان فكره وحبت تنفذها.
ايمان:.شرايتش اسوي عيد ميلاد
مها:.ميلاد منو؟
رند:.ليه؟
ايمان:. مشتهيه
رند:.مو توتش مسويه
ايمان:.حرام عليتش هذاك حق سلمى
رند:.يوه هههههههههههه
مها:.طيب شلون بتسوينه؟
ايمان:.خلصو عشاء وبعدين بتعرفون
بعد ماخلصت ايمان من العشاء قالت حق القرسون اهي وش تبفى ورند مازالت تضحك.
مها:.رند..تعدلي جا القرسون
شغلو اغنيه وقامو يغنون مع بعض وتمو ياكلون الكيكه.
ايمان::.يلا نمشي
مها:.وذي شلون بترد بيتهم؟
ايمان:.رند..تعدلي وضبطي نفستش تراتش بتروحين بيتكم.
رند:.يا ربي اشفيكم انتو
مها:.لا اكيد البنت شاربه شيئ قبل ماتطلع
ايمان:. رند كم كاس شاربه؟
رند:.نص كاس هههههههه
ايمان:.هذا نص وجذي عيل اشلون لو بطل كامل؟
ثلاثتهم:.ههههههههههههههههه
نرجع للبحر:.
لمى كانت تكلم صديقتها هاجر واشوي وتصيح.
لمى :.تخيلي ياهاجر ماجاء
هاجر:.ليه؟
لمى:.مادري
من وراها:.مين الي ماجاء؟
لمى التفت بشويش لان هالصوت مو غريب عليها وبعدت الجوال عن لذنها.
لمى بفرح:.اهليين شخبارك؟
جاسم:.ماشي الحال وانتي شخبارتش؟
لمى:.انا....تمااااااااام
ابراهيم:.وانا يعني مالي شخبارك؟
لمى:.شدعوهز..شخبارك وشلون يدك؟
ابراهيم بابتسامه:.الحمدالله.
هاجر كانت تصرخ:.لمى .....لمى ....لمى....
جاسم وابراهيم ادخلو قسم الرجال وسلمو عليهم وجلسو.
لمى:.وجع فقعتي اذني
هاجر:.وسنتش من زمان اناديتش؟
لمى:.مابتصدقين ياهاجر.
هاجر:.شنو؟
لمى:.جاسم جاء
هاجر:.كذابه
لمى.والله العظيم
هاجر:..عيل روحي له وانا بعدين اكلمتش
لمى:.يلا باااي

بعد ماسكرت لمى راحت وتعدلت وراحت قسم الرجال لاكن ماشافتهم الا بالجهه الي تطل على البحر فراحت واهي ميته من الفرح.
وجسلت لمى مقابل جاسم وجاسم كان حاس ان لمى تيله بشيئ بس كان يبغى يتاكد
جاسم يكلم ابراهيم:.اقول منت حاس ان لمى فيها شيئ
ابراهيم:.مثل ايش؟
جاسم:.ياخي من جلسنا واهي ماشالت اعيونها عني...مالاحظت؟
ابراهيم:.لا
جاسم:.طيب لا حظ وقولي يمكن انا اتهيأ
بعد فتره طويله قدر ابراهيم انه يلاحظ ويتاكد من كلام جاسم
ابراهيم:.جسوم شسالفه؟
جاسم:.وانا شدراني بس شوف شبسوي!
ابراهيم:.لايكون بتلعب كوره؟
جاسم:.صج انك ياهل
جاسم:.لمى...لمى...
لمى بفرح:.هلا
جاسم:.ممكن اشوي؟
لمى على طول راحت حق جاسم:.بغيت شيئ؟
جاسم:.كم رقم جوالتش؟
لمى باستغراب واهي تتلفت حواليها:.تبي جوالي انا
جاسم:.اي لان ماعندي رقمتش
لمى:سجل
جاسم:.اوكي رقمي عندتش؟
لمى:.اكيد
جاسم:.عيل بدق عليتش (وندس ابراهيم علشان ينتبه للنك)
دق عليها جاسم وكانت حاطه اغنية علموه...لجواد العلي
جاسم وده يحرجها :.ها لمى شمسميتني؟
لمى صار وجهها احمر وأصفر وازرق
لمى:.عن اذنكم
طلعت بره واهي متوهقه سبتسوي وشنو بتقوله فدقت على هاجر.
لمى:هاجر لحقيني
هاجر:.شفيتش؟
لمى:.سمعي
وقالت لها كل السالفه وقلبها من الخوف اشوي وبيطلع من مكانه
لمى:.ها شسوي؟
هاجر:.اولا انتي شنو مسميته؟

** يا ترى لمى شنو بتكون مسميه جاسم بجوالها ورند شلون راح ترجع بيتهم كل هذا راح نعرفه في الجزء الثاني من القصه **

خلصتها ...

ابي الجزء التالي يلا لا تتأخر نزله قبل ما تروح الدوام Very Happy

........

اي صح اليوم ماكو دوااام .. Very Happy

أجل يلا يلا نزله الحين ..

....

هههههههههههههههههههههههههههههههههههههههه

طيب ،، حاسبتلي الأياااام بعد،، لووووووووووووول

لمى:.حبيبي دائما
هاجر:.وجع شهالاسم مجنونه انتي غيريه
لمى:.طيب شحط
هاجر:.حطي اسمه
لمى:.طيب
هاجر:. والحين رجعي عادي واذا قالتش وين رحتي قوليه تذكرت ماما قالتلي اجيب لها شيئ كنت ناسيه ورحت وديته بس
لمى:.اوكي باي.

آه
منك ومن حبك ياعمري اشكثر عانيت
آه
مني ومن شوقي ومن صبري ولا ملّيت
وناديت على الله العوض ان كان مارديت

راحت لمى للرجال لاكنها استغربت ان جاسم ماسالها ولا قالها شيئ.
جاسم:.ماقتلك
ابراهيم:.لايكون تحبك
جاسم:.انا بسال سوال انت غبي ولا اصمخ ولا شسالفتك؟
ابراهيم:.ليش؟
جاسم:.ما سمعت الاغنيه الي حاطتها ماشفت نظراتها لي
ابراهيم:.الا شفت وسمعت
جاسم بعصبيه:.ابراهيم اسكت ولا كلمه
ابراهيم:.ههههههههه
على الساعه 12 باليل كلهم ارجعو بيوتهم حتى ابراهيم راح بيتهم
في بيت العم عبدالرحمن:.
كان فيصل ومشعل ونوره جالسين بالصاله يطالعون فيلم دخلت رند واهي تضحك.
مشعل:.رند اشفيتش تضحكين؟
رند واهي تعدل.ماكو شيئ
نوره:.عسى استانستو؟
رند:.اكيد............... راحت وجلست يمهم
رند:.فيصل مين تتوقع اليوم شفت بالمجمع؟
فيصل:.منو؟
رند:.ابراهيم وجاسم
فيصل:.وشافوتش؟
رند:.اي
فيصل:.وشلون شقتيهم
رند توها بتتكلم لاكن قاطعا رنت جوال فيصل
فيصل:.الو
عبدالاله:.هلا فيصل
فيصل:.اهلين
عبدالاله:.عندك سبلنغ حق موقع حسين
فيصل:.منو حسين
عبدالاله:.دقيقه برد على الجوال
معتز:.الو عبدالاله
عبدالاله:.معتز اشفيك؟
معتز:.تكفى بوعابد جيب امي ومريم المستشفى بسرعه
عبدالاله:.ليه اشفيك؟
معتز:.سهام بتولد يلا بسرعه
عبدالاله:.طيب باي مستشفى؟
معتز:.مستشفى ......
عبدالاله:.اوكي فيصل اكلمك بعدين
فيصل:.خير اشفيكم
عبدالاله:.معتز داق يقول ان سهام بتولد واهي الحين بالمستشفى
فيصل:.انا بخلي نوره ورند يجون
عبدالاله:.بمستشفى.....يلا باي
راح عبدالاله وصحى مريم وقالها تقعد امها وراح اهو وقال حق ابراهيم. وخلال ساعه كانو كلهم بالمستشفى ...وابراهيم مومصدق ان رند معهم؟
الام:.ها معتز وينها؟
معتز:.داخل بالغرفه
الام:.توها معنا شجاها؟
معتز:.تعبت اشوي ويوم جبتها قالولي ولاده
سهام وحيدة امها وبوها بعد زواجها بسنه ماتو بحادث سياره وعندا اخوها لا كنه يدرس بره في بريطانيا
طلعت ممرضه وراحت مريم تسالها عن سهام لاكن قالت لها انها مابعد تولد.
ابراهيم ماشال اعيونه عن رند (بصراحه زودها)
مريم:.ابراهيم...ابراهيم.... وين وصلت؟
ابراهيم:.ها...معاتش
مريم:.روح شوف الدكتور حق سهام واسئله عن حالتها
ابراهيم:.شقالولتش ريلها انا خلي إهو الي يروح
مريم:.يمه منك
الام:.معتز ادخل لها
معتز:.شنو ادخل لها...
الام:.معتز هذي مرتك يعني لازم تكون معها اشفيك انت
معتز:.يمه
الام:.شنو يمه ادخل شوف الدكتور شبيقول
معتز:.الحين بيطلع وبيطمنا
الدكتور:.مين فيكم زوجها؟
معتز صار وجهه اصفر ودقات قلبه ترقص سامري من الخوف
معتز بخوف شديد وكان واضح عليه:.انا...
مريم:.دكتور سهام فيها شيئ
الدكتور:.لا...ليه انت خايف
معتز باصطناع:.لا عادي
الدكتور:.الف مبروك جاتك بنت
معتز:.الله يبارك فيك....ممكن ادخل لها
الدكتور:.بعد ربع ساعه تقدر تدخل لها
كلهم باركوله وارجعو البيت وراح فيصل مع ابراهيم علشان ينام عنده ومعتز مع سهام في المستشفى.
اليوم الثاني:.
الساعه سبع ونص كان ابرهيم قاعد يغسل وفيصل جالس على السرير رن جوال ابراهيم ورفع.
فيصل:.الو
.....:.السلام عليكم
فيصل:.وعليكم السلام
......:.ازيك ياابراهيم؟
فيصل:.انا ولد عمه منو؟
......:.انا الدكتور اسماعيل تبع يده
فيصل:.هلا دكتور
اسماعيل:.امال فين ابراهيم؟
فيصل:.تبي اقوله شيئ؟
اسماعيل:.كنت عايزو في موضوع خاص بيده
فيصل:.اوكي انا اخليه يكلمك
اسماعيل:.بس يكلمني في اسرع وقت
فيصل:.طيب مع السلامه
سكر فيصل اشوي وطلع ابراهيم من الحمام
ابراهيم:.صباح الخير
فيصل:.صباح النور
ابراهيم:.شتبي فطور؟
فيصل:.عادي أي شيئ
كلم ابراهيم الطباخ على شان يسويلهم الفطور
فيصل:.ابراهيم ترى دق عليك الدكتور
ابراهيم:.اي دكتور؟
فيصل واهو يتثاوب:.دكتور يدك
ابراهيم:.شيبغى؟
فيصل:.يقولك كلمه في اسرع وقت
دخل فيصل الحمام وابراهيم قعد يلبس وبعد الفطور راحو للشركه اثنينهم.
في مكتب جاسم:.
جاسم كان الشغل موصل لعند راسه رن جواله ولا رفعه ولمارن تليفون المكتب رفعه.
جاسم بدون نفس:.الو
بوسامي:.هلا جاسم
جاسم:.منو معاي؟
بو سامي:.انا بو سامي اشفيك نسيت صوتي
جاسم:.واحنا نقدر ننسا هالصوت شخبارك؟
بوسامي:.بخير انت شخبارك وشخبار الاهل؟
جاسم:.الحمدالله
ابو سامي:.ترى المشروع نجح
جاسم بفرح:.صج والله.
ابو سامي::.اي والله
جاسم:.يعني كلها كم شهر ويصير المطعم جاهز!
ابو سامي:.اي
جاسم:.ماني عارف شلون اشكرك يا بو سامي
ابو سامي :.لا تقول شيئ انت ولد الغالي
جاسم:.تدري شلون انا بسوي حفله بهالمناسبه وانت اول المعازيم
ابو سامي:.هههههههههههههههه يلا اخليك تكمل شغلك مع السلامه
جاسم:.مع السلامه
في مكتب ابراهيم كان عنده شغل بس مو وايد نفس جاسم وكان جواله يرن ولا اهو معطيه أي اهتمام
المغرب:.
دق جاسم على ابراهيم علشان يجيه البيت ويعلمه على الي يبغى يويه ومادق على فيصل لانه نايم من اول مارد من الدوام مسكين راسه يالمه حيييل.
جاسم:.هلا ابراهيم
ابراهيم:.اهلين شخبارك؟
جاسم:.تمام وانت؟
ابرايهم:.بخير اشفيك؟
جاسم:.مافيني شيئ انت شقاعد تسوي
ابراهيم:.ماكو معتز عندنا بالبيت ومعه مرته وجنى جالس معهم تبي شيئ؟
جاسم:.كنت ابيك في موضوع
ابراهيم واهو يقوم من مكانه:.جسوم اشفيك خرعتني؟
جاسم:.مافيني شيئ الموضوع حلو يعني لا تخترع ولا تخاف
ابراهيم:.اشوه طمنتني
جاسم:.عيل اذا اطلعو مرني بالبيت
ابراهيم:.طيب
رجع ابراهيم لهم وتم يسولف معه ويضحك لحد ماجات الساعه 8 ونص حس انه زهق فاستاذن منهم وطلع.
ابراهيم:.السلام عليكم
جاسم:.وعليكم السلام هلا وغلا
ابراهيم:.اهلين
جاسم:.ها شخبارك؟
ابراهيم يبتسم:.تمام...شسالفه؟
جاسم قال حق ابراهيم الي اهو وده يسويه والي مفكر فيه.
ابراهيم:.طيب
جاسم:.بس وهذاني بديت ارتب لها
ابراهيم بمزح:.ياسلام بديت ترتب لها وتوك تقولي
جاسم:.طيب عادي
اخذ ابراهيم المخده ولاحها على وجه جاسم:.لا مو عادي
اقعدو يلعبون بالمخدات جنهم يهال واعفسو الغرفه فصارت عاليها واطيها.واطلعو واهم مهسترين على الاخر وكانو يضحكون فشافتهم ام جاسم على الدرج.
الام:.شفيكم تضحكون؟
جاسم:.هههههههههههه
ابراهيم:.لا ماكو شيئ
الام:.شنو ماكو شيئ عيل كل هالضحك على ايش؟
ابراهيم:.يمه تبين شيئ ههههه احنا بنطلع
الام:.لا ....بس لا تتاخرون وانتبهو لنفسكم
ابراهيم:.من عيوني بااااااي
ابراهيم وجاسم:.ههههههههههه
قبل مايطلعون جاتهم مي وعلى ويها علامات استفها كثيره لانها مستغربه من اشكالهم يعني يمكن ابراهيم يهستر عادي بس جاسم لا يعني غريبه عليه.
مي:.ممكن سؤال؟
جاسم:.اكيد هههههههه بستالين ههههه شفينا هههه صح!
مي:.اي
ابراهيم:.هههههههههه
مي:.هي انتو اكيد منتو بصاحين
جاسم:.ليه حرام ههههه نهستر ونستانس
مي:. أي حرام اذا استانستو وماعلمتوني
ابراهيم وجاسم بصوت عالي:.هههههههههههههههههههههههههه
اطلعو علشان يستعدون للحفله ويطبعون الكروت وسماها بالحفله التنكريه لان ابراهيم وده يشوف رند بشكل يديد.
بعد اسبوع كان كل شيئ جاهز حتى الكروت وزعوهم وكانت الحفله مختصره على اهلهم بس ومعهم بو سامي وولده سامي .
اليوم الحفله الصباح:.
صحى جاسم مبجر وكان ابراهيم نايم في بيتهم وهم فيصل نايم في بيتهم دث جاسم على ابراهيم علشان يصحيه وبالموت حتى قعد ابراهيم.
ابراهيم صوته كله نوم:.الو
جاسم:.صباح الخير
ابراهيم:.صباح النور
جاسم:.يلا عاد قوم
ابراهيم:.جاسم تكفى ابغى انام امس مانمت عدل
جاسم:.يلا قوم علشان تجيني
ابراهيم واهو يتثاوب:.شتبي؟
جاسم:.يعني شبي فيك بصور معاك مثلا يلا قوم
ابراهيم:.لا تكفى ترى مالي خلق تصوير الكاميرا مادري وينها
جاسم:.لا حول ولا قوة الا بالله
ابراهيم:.ليه من الي مات؟
جاسم بعصبيه:.ابراهيم قوم
ابراهيم واهو يتعدل:.نعم شتبي هذني قمت
جاسم:.يلا تعال ساعدني علشان نرتب للحفله
ابراهيم:.اي حفله؟
جاسم:.يوه الحفله التنكريه
ابراهيم:.ليه اهي اليوم؟
جاسم:.اي يلا عاد قوم
ابراهيم:.طيب تبيني امرك؟
جاسم:.لا بس بسرعه تعال المزرعه ولا تنسى تقول حق فيصل
ابراهيم:.من عيوني يالغالي
راح ابراهيم الحمام علشان يغسل ودق على فيصل.
ابراهيم:.هلا وغلا والله بهالصوت
فيصل:.هلا بك
ابراهيم:.صباح الخير ياالغالي
فيصل:.صباح النور...اقول شهالكلام ماكل عسل قبل ماتكلمني؟
ابراهيم:.ليه اخوك يخلي الواحد يفطر
فيصل:.ههههه أي واحد فيهم؟
ابراهيم:.جسوم داق علي من الصبح علشان نجي نرتب للحفله
فيصل:.اي صح الحفله لا تعال انت شفي صوتك وين جالس؟
ابراهيم:.هههههه بالحمام
فصل:.آه يالوصخ تحاجيني من الحمام ليه قلت اماكن؟
ابراهيم:.روح زين
فيصل بقرف:.اذا طلعت كلمني
ابراهيم:.:ماني مكلمك تجهز علشان اجي اخذك
فيصل:.طيب بااااي
بعد ساعه ونص وصل ابراهيم ومعه فيصل وكان جاسم قاعد يرتب مع العمال .
ابراهيم وفيصل:.السلام عليكم
جاسم:.وعليكم السلام
حاسم:.شدعوه تو الناس كان ماجيتو؟
ابراهيم:.والله ودي بس تعرف ماقدر أخليك بروحك.
جاسم:.لا والله
ابراهيم:.اي والله وبعدين هذا العمال هني يعني يكفون
جاسم بعصبيه:.عيل تدري اشلوم راجع بيتكم ونام (مشى وهده)
فيصل:.هي انت اشفيك؟
ابراهيم:.شنو؟
فيصل:.ليه قلتله جذي اكيد انه زعل
ابراهيم:.انا ماقلت شيئ يزعل
فيصل:.كل الي قلته وماقلت شيئ
ابراهيم:.اي
فيصل:.براحتك
ابراهيم حس ان كلام فيصل صح وانه صج زعل جاسم فراحله علشان يتسامح منه.
ابراهيم:.جاسم
جاسم:.......
ابراهيم:.جسوم سوري
جاسم مشى وخلا ابراهيم وهذه الحركه مايطيقها ابراهيم ابد بس مشاها علشان جاسم.
ابراهيم:.جاسم.....جسوم....جسوم
فيصل قرب يمهم:.جاسم خلاص سامحه
جاسم:........
ابراهيم واهو يغني:.
ان زعلت برضيك وبالعمر فداك
والزعل مازعل يالغالي عليك
لو تامر بروحي تنقاد برضاك
لوتطلب اعيوني في لحظه تجيك
جاسم:.هههههههههه
ابراهيم:.اي كذا اضحك
فيصل:.ها سامحته؟
جاسم:.اي
ابراهيم:.اصلا انا ماقدر ازعل بومحمد
كلهم:.هههههههههههههههههه

في بيت العم عبدالرحمن:.
عبدالرحمن كان جالس بالصاله ومعه مشعل وامهم في دارها ونوره نايمه.
رن جوال الاب:.الو
.....:.السلام عليكم
الاب:.وعليكم السلام ورحمة الله وبركاته منو؟

....:.انا الدكتور احمد العبدالله ادرس رند بالجامعه
الاب:.اي هلا دكتور شخبارك؟
د-احمد:.الحمدالله بخير انت ابو رند صح؟
الاب:.اي ليه؟
د-احمد:.احنا مسوين بعثه في الجامعه لعدد من الطلاب والطالبات وكانت رند منهم لانها ماشاء الله عليها شاطره وهم الدكاتره رشحوها معي فاحنا نتمى انك تكون موافق على انها تروح البعثه!
الاب:.خلاص انا اقولها وارد عليك خبر
د-احمد:.واحنا ننتظر الرد مع السلامه
الاب:.مع السلامه
رند:.صباح الخير على احلى واغلى اب في هالدنيا
الاب:.صباح النور والسرور
رند:.ها يبه شخبارك اليوم؟
الاب:.الحمدالله بخير انتي شخبارتش؟
رند:.دامك بخير انا بخير ههههههههه
الاب:.عندي لتش مفاجئه!
رند بفرح:.شنهي؟
الاب:.الدكتور الي يدرستش بالجامعه توه متصل علي وقالي انهم مرشحينتش لبعثه في استراليا ومعاتش طلاب وطالبات.
مشعل:.ياسلام...يبه وبتخليها تسافر؟
رند:.مشعل لوسمحت انت مالك خص فيني
مشعل:.هي انتي احترمي نفستش سامعه
الاب:.مشعل الراي الاول والاخير في هذا الموضوع لي ولرند وبعدين تراني ماممت علشان تسوي كل هذا
مشعل:.يبه انا مو قصدي جذي
الاب:.ها شقلتي
رند:.اوكي موافقه
مشعل:.عن اذنكم
الاب:.وين بتروح
مشعل:.بروح داري
في بيت ريم:.
لمى صاحيه من الصبح ومستانسه على الخر كل هذا علشان الحفله الي اليوم .
ريم:.ها لمى قاعده مبجر؟
لمى بفرح:.طبعا لان اليوم الحفله!
ريم:.ايــــــــــــــــــــــي
ريم:.طيب تبين نروح المول تشترين شيئ ولا عندتش؟
لمى:.NO. I hav
ريم:.what you hav?
لمى:.I don’t tell you I want mak sebrais
ريم:.هههههههه اوكي
بعد العصر اطلعت مي مع غاده علشان تيدا تغير في نفسها.
غاده:.السلام عليكم
....:.وعليكم السلام
غاده:.الله يعافيتش ابغى احجز لقص شعر وميك اب
.....:.طيب
بعد خمس دقايق دخلو الغرفه وبدات مي بتعديل الشكل اليديد.
اما رند فراحت صالون واحجزت لها وبدات تتزين .
*االساعه تسع بالليل ولمى مو مصدقه بسرعه تبي تلبس تروح علشان تشوف جاسم وش مسوي بعمره.
في المزرعه:.
كان ابراهيم وفيصل وجاسم لابسين نفس الشيئ اللهم الفرق في شكل الشعر.
كانو لابسين بنطلون جينز في فتحات(مشقق) وفيه مشابك وكان مره حلو. ومعه بلوزه صفراء.وعليها ستكرات بس كانت على ابراهيم احلى شيئ.وكانو واقفن عند الباب علشان يستقبلون الضيوف كلهم جو حتى بو سامي وولده سامي ومابقى الا رند ومي
في المشغل عند مي وغاده:.
مي:.ها شرايتش؟
غاده:.تهبلين أي هذي مي الي انا اعرفها
مي واهي تطالع نفسها في المرايا:.مو مصدقه اني انا...ههههههههه
غاده:.لا صدقي
مي اعيونها غورقت بالدموع:.مشكوره غاده
غاده:.لا حبيبتي اشدعوه انت مثل اختي ....لا تبجين الحين يخترب الميك اب
*المهم اطلعو ثنتينهم من المشغل وتوجهو للمزرعه ولما اوصلو عند الباب.
مي:.غاده خايفه انزل
غاده:.ههههههههههه ليه؟
مي:.مادري خايفه من ردت فعلهم!
غاده:.طيب عندي لتش خوش فكره
مي:.قولي
قالت لها الفكره وعلى طول نفذته لاكنها دقت من جوال غاده.
رن جوال ابراهيم وطلع يكلم بره لانه مايسمع من صوت الاغاني.
ابراهيم بصوت عالي:.الو...
مي:.الو ابراهيم
ابراهيم:.هلا منو؟
مي:.ابراهيم انا مي اشفيك ماعرفتني
ابراهيم بخوف:.مي اشفيتش؟
مي:.لا تخترع بس اطلع ابيك بره
طلع ابراهيم برا المزرعه وشاف وحده تدقله هرن راح لها.
ابراهيم:.هلا مي واهو يدقق فيها...آسفه اختي انا غلطان ومشى
مي مسكته من يده:.ابراهيم...اشفيك انا مي
ابراهيم:.لا...لآ مو معقوله انتي مي!
مي:.اي مي بشحهما ولحمها (واهي تدور)شرايك؟
ابراهيم:.تجننين يلا تعالي وسحب يدها
مي:.دقيقه
مي:.يلا غاده بااااي
ابراهيم:.ههههههههه
مي:.ابراهيم اكيد شكلي حلو؟
ابراهيم يقول في نفسه :.رند احلى بس آآآ مادري ليه تاخرت
ابراهيم:.اي اكيد
مي:.طيب انت ادخل وانا اشوي وبي وراك
ابراهيم:.اوكي ودخل
جاسم:.وينك؟
ابراهيم:.هذني موجود...هههههه
دخلت مي وكانت لابسه فستان صيني ومسويه تسريحه بالصيني طالعه جنان وشكلهامره كيوت.
مي واهي تسلم على الي على الياب:. هلا
جاسم وفيصل:.اهلين
سلّمت مي وراحت بعيد عنهم اشوي
جاسم:.ابراهيم منو هذي؟
فيصل:.صوتها مو غريب؟
ابراهيم واهو يغمز لهم:.جسوم ....فيصلوه...معقوله ما تعرفون منو هذي؟
جاسم:.لا ....لا تقول.....
فيصل:.مي
ابراهيم:.اي مي
راحو لها كلهم واستانسو بشكلها اليديد وعبدالاله ماشال عينه من عليها من اول مادخلت.....رجع ابراهيم وجاسم يم الباب.
ابراهيم بحزن:.جسوم .....جسوم..... جسوم .....ويهد
جاسم:.ها شتبي؟
ابراهيم:.جسوم رند
جاسم واهو معتل:.اشفيها بعد
ابراهيم:.جسوم رند مايت (ماجات)
جاسم:.الحين بتجي .....مشى وابراهيم مانتبهله.
ابراهيم:.متى بتجي واكحل اعيوني بشوفتها
رند:.بس اهي جات
ابراهيم:.انا ماشفتها وبعدين شلون تقول الحين بتجي وبعدين تقول جات.
رند:.درو عليها عدل وبتلاقيها
ابراهيم:.دورت عليها ومالقيتها
رند:.شدعوه شنو مسويتلك
ابراهيم:.مالكه كل شيئ فيني قلبي وعقلي وروحي آآآآه
رند في داخلها شكله استخف ولد عمي:.دور عليها وبتلقاها
ابراهيم قعد يدو عليها ويتلفت في كل جه ولقاها وراه.
ابراهيم بفرح:.ههه رند اخيرا جيتي
رند بخجل:.اي هلا وراحت
رند طالع تجنن غطت عليهم كلهم لابسه زي هندي احمر مع الاكسسوارات الهنديه وكلهم عجبهم لبسها وشكلها.
اما مريم. كانت لابسه فستان نفس ورقة الزنجفه وكان مره حلو مطلع جسمها.
اما لمى. كانت لابسه فستان احمر وفي دوائر بيض نفس فستان ميكي موس وحاطح شريطه حمرا طالعه نعومه مره.
اما نوره. فكانت لابسه بنطلون بيج وبلوزه بيج وفوقها زي الفراعنه الي في مصر وكانت صايره حلوه.
اما منيره.فكانت لابسه بلوزه من حنان دشتي مره حلوه ومعها بنطلون جينز.
وريم بدله مقفظه حلوه والباقي كان لبسهم عادي.
بالنسبه للشباب:.
مشعل وعبدالاله كانو لابسين بدل سبورت وحلوه.
احمد كان لابس بلوزه بيضاء وفوقها شبا لونه ازرق حلو طالع شكله غريب عن الباقي.
شغلو الديجي وقعدو يرقصون ويضحكون ويوم جات الساعه 12 باليلل راحو قسم العشاء وكانو كل البنات جالسين على طاوله واصوات الضحك قايمه عندهم.
ابراهيم جلس على الطاوله الي مقابلتهم على طول علشان يشوف رند.
عبدالاله:.ابراهيم....ابراهيم...
ابراهيم:.هاه
عبدالاله:.شقاعد تطالع فيه ؟
ابراهيم:.وانت شعليك؟
عبدالاله:.يا ثقل طينتك
كلهم:.هههههههههههه
بعد ماخلصو من العشاء كانو كل الشباب واقفين يم المغاسل.
عبدالاله:.ها فيصل شرايك نرقص؟
فيصل:.بس مانبغى عربي
عبدالاله:.احلى واحلى....ههههههه
راحو يرقصون اجنبي وكانو مبدعين وجاء ابراهيم وكملها وكان رقصه بالاجنبي خياااال مره حلو لانه كان ياخذ دروس في الرقص في استراليا .
ارجعو بقيت العيله للصاله وقام التصفيق والتصفير حق الي يرقصون(فيصل وعبدالاله وابراهيم)
لمى:.خال يفيصل
فيصل:.يا عيون فيصل
لمى بابتسامه:.ممكن طلب!
فيصل:.شنو؟
لمى:.ابغى اصور مع جاسم....ومعكم كلكم.
فيصل:.شالمناسبه؟
لمى بتردد:.هاه لان ماعندي لكم ولا صوره وبعدين اشكالكم اليوم صايره جنان
فيصل:.اوكي تعالي
جاسم:.ها لمى شرايتش؟
لمى بفرح:.بصراحه الحفله تجنن واحلى مافيها انت ههههههه وكلهم بعد حلوين.
ابراهيم:.ههههههه مبن قدك عندك ناس يدلعونك
لمى:.بغيت اصور معاكم ممكن؟
جاسم:.طبعا بس على شرط؟
لمى:.امر
جاسم يغمز لابراهيم:.بس اصور ماعك بروحنا علشان تبقى الصوره عندي.
فيصل:.جسوم
جاسم:.هههههه ياخي للذكرى لا تفهمني غلط
فيصل وابراهيم وجاسم:.هههههههه
صورو وكانت لمى ميته من الفرح اما عند رند فكان سامي جالس يسولف معها وابوها يمها على دراستها.وبعدين راحو
جاسم:.انا بروح اصور مع رند بااااي
ابراهيم:.هي انت واهو يقلد صوته...بروح اصور مع رند واثق الاخ.
جاسم:.عادي مو انا ولد عمها انت شعليك؟
ابراهيم:. وانا ولد عمها وزوجها بعد
جاسم:.اشوفك تزوجتها ههههههههههه
ابراهيم:.اي انشاء الله عن قريب
جاسم:.طيب انا ابي اصور
ابراهيم:.مو معها روح صور مع لمى بتموت هي عليك
فيصل:.هي انتو اشفيكم؟
جاسم:.اقوله بروح اصور مع رند والبنات يقولي لا
فيصل:.اي حتى انا ودي اصورمعهم بس تتوقعون يرضون؟
ابراهيم:.ياخي استحو على وجهيكم شباب وتصورون مع بنات شبيقلون الناس
جاسم:.ههه اشوفك قمت تعرف العادات ؟
فيصل:.عيل لا تجي تصور وراحو
ابراهيم:.هههههههههههههه لابجي
فيصل:.هذا اذا رضوا
جاسم:.لا عادي
فيصل:.رند ماتحب هالخرابيط
ابراهيم:.احنا خلنا نروح لها وبعدين يصير خير
فيصل:.رنوده
رند:.نعم
فيصل:.الشباب يبون يصورون معاتش ومع البنات كلهم
رند:.ههههه بس الصور تتم عندنا
ابراهيم:.ليـــــــــــــــــــــــــــــــــــــــ ــــــــــــه؟
جاسم واهو يندسه:.اي معليه
وقفت رند ويمها فيصل وراها ابراهيم ويمه جاسم.
ابراهيم يهمس في اذنها من دون ماحد يحس:.عقبال صور ملكتي عليتش
بعد ماصورت على طول راحت وجلست يم امها حست انها بدت تخاف منه وخصوصا اليوم مزودها حبتين

بعد اسبوع:.
بدأت الدراسه والدوامات رند سافرت الى استراليا وابراهيم مايدري اهي وين راحت .
اليوم الشباب كلهم متجمعين بيت العم عبدالرحمن وفالينها على الاخر
كان جاسم بيروح المطبخ مع ابراهيم الا رن التليفون
مشعل:.جاسم رد
جاسم:.ابراهيم رانت رد
ابراهيم:.جسوم اخلص ارفع شوف مين؟
جاسم:.انت ارفع
ابراهيم:.انت وبعدين معاك اخلص ارفع.
جاسم:.الو
رند:.الو هلا جاسم
جاسم:.اهلين هلا والله
رند:.هلا بك شخبارك؟
جاسم:.تمام انتي شخبارتش؟
رند:.الحمدالله بخير
ابراهيم:.جسوم منو؟
جاسم:.رند
ابراهيم:.عطني احاجيها
جاسم:.شلون دراستش؟
رند:.تمام
جاسم:.هههههه والغربه؟
رند:.آآآآه من الغربه والله العظيم اني ودي ارجع اليوم الديره قبل باجر بس شسوي مشتاقه للعيله حيل
جاسم:.الله يرجعتش بالسلامه
رند:.جاسم تكفى ابغى اكلم نوره امي ابوي أي احد
جاسم:.اليوم جمعة الشباب عندكم وامتش ونوره مو هني
رند:.طيب ابوي او واحد من اخواني
جاسم:.ثواني
جاسم بصوت عااالي:.عمي...عمي عبدالرحمن
العم:.ها شفيك؟
جاسم:.عمي رند على التليفون
العم:.الو هلا رند
رند:.هلا بهالصوت وراعيه
العم:.هلا شخبارتش؟
رند:.تمام يبه شلونك شخبارك؟ وشخبار الي في البيت؟
العم:.كلهم بخير ويسلمون عليتش بعد
ابراهيم كان يالس على اعصابه وده يقول حق عمه انه يبغى يكلمها بس خايف من ردة فعله وخصوصا انه كان يضجك وطول معها
جاسم:.برهومي في مين سرحان؟هههههههههههه
ابراهيم قام يلحق جاسم لحد ماطلعو الحديقه واهو يلاحقه.
جاسم:.خلاص استوب
ابراهيم:.يا زفت اقولك عطني ابغى اكلمها تروح تعطيها عمي
جاسم:.والله هي ماقلتلي ابي ابراهيم
ابراهيم:.مالت عليك
عند الحريم في بيت العم عبدالله(ابو معتز):.
منيره:.يمه شخبار رند؟
الام:.انشاء الله بخير
نوره:.انا امس كلمتها على الايميل
منيره:.شتقول عن دراستها؟
نوره:.تقول الدراسه تمام بس تعبانه من الغربه هههههه مو متعوده
ريم:.عيل الله يعينها اذا اعرست
مريم:.طيب متى بترجع؟اشتقنا لها؟
نوره:.والله مادري بس تقول ان يبيلها اشوي
الام:.آآآآه الله يرجعها بالسلامه
رن جوال منيره وقامت.علشان تكلم ريلها اشوي وارجعت.
منيره:.يمه اليوم بنام عندكم!
الام:.ليه عسى ماشر لا يكون متهاوشه مع ريلتش؟
منيره:.لا بس اهو مضطر انه يسافر الحين ويقول انه بيرجع بعد يومين.لانه عنده شغل
الام:.حياتش الله
في استراليا:.
بعد ماسكرت رند كانت مستانسه انها اسمعت صوت ابوها بس هم مضايقه بسبة الغربه .
ايمان:.ها رنوده اشوفتش مستانسه؟
رند:.اي توني مكلمه ابوي
ايمان:.طيب شرايتش ندق على مها ونسولف معها
رند:.لا اخاف تتضايق
مها اهلها مارضو انها تروحالبعثه علشان كذا خايفين على مشاعرها اما اهل ايمان فعادي .
رند:.شوفي بدخل اخذ شور وبعدين نستاذن منهم علشان نطلع نتمشى
ايمان:.حلو
الصباح في الكويت
كان جاسم وفيصل نايمين عند ابراهيم رن جوال ابراهيم وكالعاده مارفع لاكن لحق عليه جاسم ورفعه .
جاسم:.الو
د-اسماعيل:.صباح الخير
جاسم:.صباح النور
د-اسماعيل:.انا الدكتور اسماعيل
جاسم:.هلا دكتور انا جاسم
د- اسماعيل:.اهلا بيك
جاسم:.خير دكتور بغيت شيئ؟
د-اسماعيا:.والله ياخ جاسم انا من زمان ادق على ابراهيم علشان يجي لاكنه مايرد علي
جاسم:.ليه؟في شيئ؟
د- اسماعيل:.اجنا مثل مانت عارف ارسلنا التقارير للخارج وقالو لنا انه لازم يسوي عمليه باسرع وقت قبل الكسر مايلتام
جاسم:.طيب شنو بنسوي الحين؟
د-اسماعيا:.لازم يسافر لاستراليا وباسرع وقت لان الدكتور المتخصص في جذي حالات اهو الحين هناك
جاسم:.اوكي دكتور انا امرك اليوم واخذ التقارير وانشاء الله خير
د-اسماعيل:.وانا في انظارك...مع السلامه
جاسم:.ابراهيم....ابراهيم....
ابراهيم:.اممممممممممم
جاسم:.قوم ابيك
ابراهيم:.طيب بس اشوي
جاسم واهو يوخر الفراش عنه:.قوم ابيك
فيصل:.صباح الخير
جاسم:.صباح النور....ابراهيم يلا قوم
فيصل:.طيب خله نايم
جاسم:.لا ابيه في موضوع قوم
فيصل:.خير اشفيك؟
جاسم:.اذا صحى بتعرف
جاسم:.هي انت بتقوم ولا اسبحك بهلماي؟
ابراهيم:.اااااوف هذني قمت شتبي؟
جاسم:.قوم غسل وبعدين تعال ابيك في موضوع
ابراهيم:.اشفيك؟
جاسم:.ياخي انت ماتفهم قلتلك قوم غسل وبعدين بقولك
قام ابراهيم واخذله شور على السريع وطلع وكان فيصل وجاسم ينطرونه.
ابراهيم:.ها اشفيك؟
جاسم:.قبل اشوي دق الدكتور مال ايدك وقال لازم تسافر علشان تسوي العمليه قبل الكسر مايلتام
ابراهيم:.والمطلوب
جاسم:.انك تسافر وباسرع وقت علشان تسوي العمليه
ابراهيم بحزن:.ومين بيجي معي
فيصل وجاسم:.انا
ثلاثتهم:.ههههههه
فيصل:.لا تخاف بنكون كلنا معاك
جاسم:.عيل خلنا نروح نحجز الحين
ابراهيم:.روحو انتو حجزو انا مني رايح
جاسم:.وين جواز سفرك؟
عطاه ابراهيم الجواز وراحو يحجزون والحمدالله انهم لقو لهم حجز بعد يومين.
لاكن ابراهيم جلس بغرفته وسكر الباب عليه وقعد يفكر بحاله مع رند وده يروح يقول حق ابوه انه يبغى يخطبها بس الوقت مو مناسب الحين شيبقول ابوي عني ههه اكيد بقولي صج انك فاضي انت وراك عمليه وخرابيط وتبي تخطب البنيه اووف
ابراهيم:.آآآآه ياعمري انتي وينتش عني ودي اشوفتش احس اني حيل مشتاقلتش وينتش لستش تحسين فيني آآآآه.
• يعلم الله شوق نفسي لك بحر ويشهد الله صورتك في خاطري عيت تغيب
• مدري شو اللي يـجذبني لك أسلوبك طيبـتك جمالك لا والله كلك يجذبـني لك
• أقول في نفسي وش عاجبك فيه قالت كله حلا حامل غلا فيه الوفا وشلون ماأغليه.
حول ابراهيم وقال حق ابوه على موضوع العمليه وامه قعدت تبجي بس عرف اشلون يراضيها
* في اليوم الي بعده كانت العيله كلها متجمعه في بيت العم عبدالرحمن حتى الشباب
وبعد الغداء البنات والحريم اطلعو الحديقه والرجال في المجلس ماعدا لمى كانت جالسه مع جنى بنت معتز
لمى:.يمه يازينتش...أموه...آآآه
لمى في داخلها:.آآآآه متى بيصير عندي بيبي مثل جذي ويكون من جاسم
لمى:.يلا علشلن نغسل بعد الحلاو
لمى واهي تمشي داست على كيسه وهالكيسه كان داخلها صحن مكسور فجرح رجلها.
لمى:آآآه يمه وينتش؟
لمى:.أوف تريزا تريزا ويهد تعالي شيلي جنى لا تطيح
لاكن الخدم كانو يشليون الصحون بعد الغداء ولا احد سمعها
لمى:.أوف انا شسوي احسن شيئ اني امشي بشويش لحد ماحطها على أي كرسي لا تطيح.
جلست لمى ويمها جنى واهي تمسح الدم الي ينزف من ريلها
على الدرج
ابراهيم وجاسم:.هههههههههه
فيصل:.غريبه شهالدم؟
لمى واهي تصيح:.خالي فيصل.....خالي فيصل
جاسم:.لمى!
فيصل:.لمى شفيها ريلتش؟
لمى:.كنت امشي ودست على الكيس الي فيها الصحن المكسور
ابراهيم:.قومي اوديتش المستشفى
لمى واهي تبجي:.ابي امي نادوها
فيصل:.دقيقه
راح فيصل ونادا ريم واخذوها مع ابوها وودها المستشفى وكان فيصل وجاسم وابراهيم معهم.
جاسم:.شكل الدكتور موشيئ خلونا ناخذها مستشفى ثاني
ريم:.وانا رايي جذي
واهم طالعين من المستشفى شال جاسم لمى وركبها في السياره واهي على الرغم الالم الي في ريلها الا انها كانت مبتقطعه من الفرح.
في المسشفى الثاني خيطو لها رجها اربع غرز ومارجعت البيت الا الساعه 7 بالليل.
اليوم الي بعده:.
ابراهيم كانت سفرتهم باليلل وابراهيم مايدري اصلا اهم وين رايحين وكان نايم مع جاسم وفيصل في بيت جاسم.
جاسم:.ها جهزت جنطتك؟
ابراهيم:.اي خلهم يجون ياخذونها
جاو الخذم وشالو الجناط وحطوهم في السياره وابراهيم وجاسم حولو يفطرون اما فيصل فرجع بيتهم.
ابراهيم:.جاسم احنا وين بنسافر؟
جاسم:.أستراليا
ابراهيم:.آآآآه الله يعيني على فراق رند هذا وانا بالكويت وكنت احس انها بعيده الله يعيني اذا رحت أستراليا.
جاسم:.ههههههههه ليه انت ماتدري وين راحت؟
ابراهيم بحزن:.لا ....انت تدري؟
جاسم:.اي
ابراهيم كان يشرب كوفي وشرق:.احم....احم...وليه ماقلتلي؟
جاسم:.على بالي تدري
ابراهيم:.طيب وين راحت؟
جاسم:.اخاف اقولك تصفر علينا!
ابراهيم:.جسوم تكلم تراني مالي خلق ملاقتك
جاسم:.رند راحت
ابراهيم:.اي
جاسم:.اي راحت
ابراهيم:.اخلص تحجى
جاسم:.راحت استراليا
ابراهيم:.ايش عيد ماسمعت ؟
جاسم بصوت عالي :.استراليا
ابراهيم:.تمزح صح
جاسم:.لا من جدي اتكلم
ابراهيم يحاول انه يستوعب الفكره:.يعني رند في استراليا ةاحنا بنروح استراليا صح؟
جاسم:.اي صح
ابراهيم:.طيب يلاقوم علشان نروح المطار
جاسم:.ههههههههه طيارتنا الساعه10 بالليل
ابراهيم واهو يطالع الساعه:.الله ليه ماقدمتها
جاسم:.واهو على كيفك
ابراهيم:.انزين قوم خلنا نروح المطار يمكن نلاقي رحله قبل 10 باليلل
جاسم:.اقول انثبر واسمع الي بقوله
ابراهيم:.ياخي تكلم معي بادب ماغير تشعم فيني
جاسم:.هههههه تستاهل
ابراهيم:.أخلص شتبي
جاسم:.ابغى اروح اشتري حق لمى هديه
ابراهيم:.ليه؟
جاسم:.علشان سلامتها
ابراهيم:.خلها اذا ردينا
جاسم:.لا...انا ابغى اوديها اليوم
ابراهيم:.ليه مستعيل خلها اذا ردينا
جاسم:.انت تضمن انك بتعيش لبكره
ابراهيم بعصبيه:.لا تقول هالحجي (الكلام)
راحو اثنينهم السوق واشترو لها عطر ماركه وغلفوها عند افخم المحلات وراحو بيت ريم وكانت الساعه 12 ونص الظهر.
في بيت ريم:.
كانت هاجر عند لمى لان اليوم الخميس وكانو ثنتينهم جالسين بالصاله ومامعهم احد.
هاجر:.لا ترساينها
لمى:.الا برسلها
هاجر:.يالخبله شبيقول عنتش بعدين جاسم
لمى:.مو قايل شي
في هالحظه دخل جاسم وابراهيم وبدون مايحسون عليهم .
لمى:.هاجر انا متاكده انه يحبني
هاجر:.لا مستحيل يحبتش انت اكيد مينونه مو كافي الاسم الي كنتي حتطته وهقينا بعد في شيئ ثاني.
لمى:.طيب المسج عادي مافيه شيئ
هاجر:.لا والله
خذني معك لا تخليني وحيـــــد
تبري جروح في حشايا عميقـــه
خايف من الزمان ياخذك عني بعيد
تنسى هوى روح بودك غريقــه
خذني معك وين ماودك تريــــد
مسأل أنا وشي نهاية طريقــه
مقوى الجفا لو كان قلبي من حديـد
فرقا عشير بالملا من يطيقـــــه
هاجر انتبهت لجاسم وابراهيم وشكلهم من زمان واقفين فقامت وحطت يدها على فم لمى علشان تسكتها.
لمى:.هاجر....وخيري يدتش
هاجر:.حياكم تفضلو
لمى:.هي انتي مين تحاجين اشفيتش استخفيتي وخري خلين ادز المسج.
اثنينهم:.السلام عليكم
لمى وكان احد صاب عليها ماي حار وحسو فيها كلهم:.وعليكم السلام هلا
جاسم:.شلونتش؟
لمى بحيا:.بخير
ابراهيم:.وشلون ريلتش الحين.؟
لمى:.لا احسن من امس
هاجر:.عن اذنكم
ابراهيم:.هذي مني لتش
لمى:.مشكور
ابراهيم:.انا بروح اكلم وبرجع مو تحشون فيني
لمى:.ههههههه لاتخاف روح وانت متطمن
جاسم:.هذي هديه بسيطه مني
لمى:.مالاداعي كلفت على نفسك
جاسم:.شدعوه انتي تستاهلين اكثر
لمى:.ميرسي
قعد جاسم يسولف معها اسوي وبعدين جاء ابراهيم.
ابراهيم:.لايكون وحشيتو فيني؟
لمى:.هههههههههه
جاسم:.لا
ريم :.السلام عليكم
ثلاثتهم:.وعليكم السلام
ريم:.شخباركم شباب؟
اثنينهم:.تمام
ريم:.جاسم شخبارمي ومرت عمي؟
جاسم:.بخير
ريم:.وانت ابراهيم شخبارك؟وشخبار الخوات؟
ابراهيم:.الحمدالله
جاسم:.يلا احنا نستاذن
ريم:.وين تو الناس جلسو تغدو معنا
ابراهيم:.لا مره ثانيه
لمى:.ليه جلسو؟
جاسم:.لا...الله يكرمكم...يلا مع السلامه
واطلعو
بعد الغداءطلع جاسم ولا احد يدري عنه وحتى جواله مقفله وبعد مده طويله رجع البيت وعادي.
الساعه 7 ونص:.
كلهم كانو متجمعين في بيت العم عبدالله علشان يودعون ابراهيم وجاسم وفيصل وام ابراهيم ماغير تبجي لانها تبي تروح مع ابراهيم بس ما احد راضي لها حكم القوي على الضعيف حتى مي ماكانت تبغى جاسم يروح بس ماتقدر توقف في وجههم.
*شنو راح يصير في عملية ابراهيم ورند مع بعثتها شنو راح يصير*