في العصريه .. وبينما انا أتقلب بين صفحات النت ..
واذا بأمي تدخل علي مقطبة حواجبها وقالت لي بصوت يملؤه الحزم
: : قومي سوي حلا العشا
بسم الله الرحمن الرحيم وشو حلا عشا واحنا تونا بالعصر .. 
و وشو له حلا يعني ؟!!
ماذا دهاك يا أماه .. 
قالت :: اليوم بنت عمك بتجينا وعندنا عشا .. انت عليك الحلا مو زي ذيك المره قلتي بتسوين وماسويتي ..
وإذ به يطيح وجهي .. 
( أحس اني قاعده اسمع عبدالله بالخير وهو يتكلم ) 
وقمت اسوي ..
ياربي شسوي حلا عشا .. شسوي !! 
ما خطر ببالي .. جبت كتاب الطبخ قلت يمكن ألقى .. مالقيت في قسم حلا السفره لقيت حل قهوه وسويته عالعشا ..
شسوي المهم امي ماتقوم من النوم وتلقاني ماسويت شي ..
<<< سنعه يلا وهذي المقادير ..
هي ثلاث طبقات
وهذي مقادير الطبقه الأولى ..
* كأس سكر ( بس انا حطيت نص كاس لاننا مانحب السكر واجد )
* 3 بيضات
* كأس زيت
* ملعقة فانيليا
* كأس ماء
تخلط كلها في الخلاط ..
زي كذا .
هنا بالصوره واضح فيها الطبقات
السكر والبيض والمويه والزيت ..
وانا دورت الفانيلا مالقيت قمت حطيت بداله قشر برتقال لأن المهم هو النكهه .. << الحاجه ام الإختراع
وهذي الصورة وهذي صورة الخليط بعد الخلط ..
بعدها نكب الخليط اللي خلطناه بالخلاط على *واحد ونصف كأس دقيق
*3ملاعق صغيره بكينج بودر
زي تسذا ...
وهنا بدا يمتزج بس ماخلص للحين ..
بعدها نجيب صينية بايركس وندهنها بالزيت
ونصب فيها الخليط اللي امتزج (( متعوب عليها امتزج ترا )) 
وندخلها الفرن حتى تستوي الكيكه
انا حطيتها على درجة 300 لمدة ساعه الا ثلث تقريبن
واللي تبي اسرع تزيد الحراره وتقلل المده وتحط عينها عليها مو تروح وتخليها تحترق 
بعدها انا بديت اسوي الطبقة الثانية ..
اسمها (( السقوة ))..
وهي عباره عن
* كاس ماء
*كاس الا ربع سكر
*3 ملاعق كبيره نس كافيه
نحطها على النار الين تغلي وتغلظ شوي مع التحريك
وانا قاعده استناها تغلظ واستنى الكيك يخلص
طلعت لي تشيبس من الدولاب وقعدت انقمش عليه خلصت الكيكه وهذا شكلها
وخلصت السقوة بعد ونكبها عالكيك ..
بعدين تصير كذا ..
بعدها نجيب اغراض الطبقة الثالثه ..
وهي
*2 ظرف دريم ويب
*واحد ونص بيالة حليب بارد
نخلطها بالخلاط ونحطها فوق الكيكه المشربه بالسقوة
ونحطها بالثلاجه عشان تبرد
وبعدين نجملها بفستق مبشور او شكولا مبشوره او هيرشز للعجاز اللي زيي وهذي صورة .. شكلها حوسه بس لايهمكم اهم شي الطعم 
نسيت اصوره الا بعد ماقطعته للتحضير
وهذي صورته يوم قطعته وتفاجات بشكله
طلع يونس من داخل .. قطعته مستطيلات زميلات و نسيت اصوره وهو في صحن التقديم
لكن سووه انتوا وشوفوووه ,, وبالهنا والشفا ..
تحياتي :: الشيف DooBa 
السبت يوليو 14, 2007 6:09 pm
لا خلاااص افا عليج اعجبج اليوم دخلت المطبخ ولاول مررره