((سفير الحب))الضحيه الاولى على كرسي الاعترافات

اعضاء وعضوات بعد الترشيح اللي تم تبين الضيف هالاسبوع بالكرسي

اهو

اهو

ما يحتاج عرفتوه

سفــــير الحــــب

بيكون لمدة اسبوع

يعني بدينا اليوم والاسبوع الجاي مثل هاليوم ينتهي من الاعترافات

يالله همتكم يا اعضاء .. نبي اسئله .. واستغنموا الاسبوع كلله ... ترى مافيه فكه هو بيقعد على الكرسي بيقعد ...

<<<ناويه عليه هههههههههه

ابداو باسألتكم

دمتم بخير لي عوده بأسئله ما حصلتشي ...

اختكم

بقايا الروح

الأخ سفير الحب .

1) .....قـد نرى ورد الربيع يحيط بنا ولكن قد تشاء

الأقدار الإلهيه أن تذبل الزهور ذات خريف....مالحدث الذي هزك من الأعماق؟

*****************************

2) في عالم مليء بالمتناقضات

بين واقع وخيال.. كذب وحقيقة ..

أنين وحنين... حرب وسلام... وأسماء أثيرية...

وموضوعات وأسئلة وأجوبه...

متى تكون صادق فيما تكتب؟

ومتى تتمنى أن تكون صادق فيما تكتب؟

ومتى يصادفك شعور اللامبالاة في الكتابة ؟

*****************************

3) في بعض لحظات تصوير او تعبير المعانات ..

ينبثق من صلابة الشده " تعبير " قد يحكي : انحدار دمعة

او صعود زفره او اجهاشة .. او انين .. او ..

فإذا انتهت تعابيرك .. بجميع تلك التصاوير .. لمن تهدى شجنك ..؟

*****************************

4) فكرة / منظر/ موقف/نغم/ كلمة..

أي مما ذكر تجعل سفير الحب يمسك بالقلم

ويكتب على الفور بدون أي تفكير..؟؟

***************************

ولي عـوده

والله رحت بداهية وتورطت

اسمعي بقايا لا مايصير الأسئلة مره وحده

كل عضو يسأل خمس أسئلة بالكثير باليوم الواحد

أما انك يا بقايا تكتبين ثلاث درازن أسئلة ما يصير هذا تعذيب مو اعتراف

يلا أنا ان شاء الله مستعد للأسئلة وراح أجاوب قدر المستطاع

تحياااااااااااااااتي

ههههههههههههه

تحمل ما يجيك .. اليوم درازن ...ترى هذي اسئلة اليوم .. ولاحظ باقي وراك اسبوع الى ما تقوم من فوق الكرسي هههههههههههههه

وعلى حسب الروقان بس حبيت اقول ملاحظه ...

ما يصير من العضو الواحد انه ينزل ردين فيه اسئله بنفس اليوم .. اول يجاوب الضحيه على الاسئله المطروحه بعدين تسألون انا نسيت اقول لكم ...

يعني يجاوب اخوي سفير على اسئلتي بعد ماتشوفون اجوبته علىها تسألون يالطيبين ..

دمتم بخير

اهم شي جهز دلة القهوه ..يبي لها قعده هالاسئله...تحمل هذي نتايج الترشيح .. وجا من نصيبك اربع تصويتات ....خخخخخخ

اختك

بقايا الروح

اسمحيلي يا بقااايا انا مراح اجاوب الا على خمس أسئلة فقط من كل عضو يوميا Cool

وشوفي لك حل واذا وافقتي عطيني خبر لأنه هذا ظلم وصعب اني أجاوب على هالأسئلة مره وحده affraid

تحيااااااااااااااتي

اوكي براحتك ياخوي ...

وحتى لو تجاوب اليوم خمسه وبكره خمسه...على كيفك...

هلا والله خيتوو بقااااايا الروح

خليك ريلاكس ،، واختاري خمس أسئلة وحطيهم وأنا بجاوبهم

انتي ما شاء الله كاتبه مستودع أسئلة

وأنا رفضت أجوبهم من ناحيتين:

1- ان أسئلتك شامله تقريبا يعني مراح يقدرون بعض الأعضاء انهم يطرحون أسئلة

2- والله راااح أمل وأنا أجوبهم وبعدين أخاف ما أجاوب على باقي أسئلت الأعضاء

وآسف جدا على ردي السابق لكن أرجو انها وصلت لك وجهة نظري خيتو

ويلا نزلي خمس أسألة خليني أجااااوبهم

تحياااااااااااااتي لك

أخوك

انا عدلت الاسئله ... ياليت تجاوب ...

انا عدلت الاسئله ... ياليت تجاوب ...

ما شاء الله عليك أسلوبك بالأسئلة محترف جدا

(كأني بمقابلة تلفزيونية وكأني صحفي)

الجواب الأول: الحدث اللي هزني هو يوم ضرب العراق وضرب لبنان الله يفك ضيقتهم ياااااااارب

الجوااااب الثاني: * أكون صادق بالكتابة لما الحقيقة تكون واضحة أمامي وأمام جميع الناس.

* وأتمنى أكون صادق لما أكتب عند نقلي للحقيقة وليس مايغطي الحقيقة.

* وشعوري باللامبالاة عند الكتابة عندما لا أرى الحقيقة أمامي وأرى فقط الكذب والخدااع.

الجواااب الثالث: أهدي شجني لنفسي و وللأمة العربية.

الجواااب الرابع: فكرة أو كلمة أو نغم.

مشكوووووره على الأسئلة وأنا بإنتظار أسئلة باقي الأعضاء

تحياااااااااااااااااتي

هلا سفير ..

انا جد مارشحت بس بسأل كيفــــــــي..يكفي صديقاتي مرشحينك<<تمزح ترا..

يلا ببدا..

السؤال الاول:

انت قلت انك دخلت المنتدى من خلال تنقل بين صفحات النت..طيب انت حسيت انك اخترت المنتدى المناسب..؟

السؤال الثاني:

يخصني انا لوله انت علقت على اغلب مواضيعي على اساس انها للبنات هل هالشي ضايقك؟

وانا ان شالله بحاول انوع مع اني انوع بالمواضيع..

السؤال الثالث:

هل فكرت بيوم من الايام انك تنسحب من المنتدى؟واذا اي او لا ممكن السبب؟

السؤال الرابع:

مين الشخص اللي تحس انه عاجبك بالمنتدى من كل النواحي(النك نيم حقه-او التوقيع-او الثقافه -او الهبال )هذي امثله بس انت اختار عضو واحد وقول وشو اللي عاجبك فيه..

السؤال الخامس:

قول رايك بكل اعضاء المنتدى النشيطين(انا -الدووبا-عموووشه-بقايا-احلا ملاك-ندى الورد)

يلا نزل راسك على الطاوله وابدا حل ولاترفعها الا اذا خلصت..ولاتتلفت يمين ويسار والجوال سكره ..<<حركات كليتنا.

تحياتي:lool@h

هلا والله أختي LooLah

لا تخافين منزل راسي وجالس احل وجنبي كاس مويه

الجوااااب الأول: الصراحه وبدون مجامله اي اخترت المنتدى المناسب.

الأسباب هي : * انه منتدى جديد من السهوله اني أتأقلم مع أعضائه بسرعه عكس المنتديات الثانيه

* الأعضاء اللي فيه متميزين جدا وكلهم ذوق.

الجواااااب الثاني: لا بالعكس ما يضايقني أنا أحترم الجنس الناعم وأحب أعرف كل تفاصيله لأني أحب أكون عندي خبره في كل شي <<<< يامثقف يبي يجهز للمستقبل القريب

الجواااااب الثالث: إذا المنتدى استمر على تطوره والأعضاء مستمرين بعطاءهم دائما أكيد راح أستمر..

الجوااااب الرابع: الصراحه هذا سؤال محرج للغاية لكن أنا بكون صريح الأعضاء كلهم فيهم الخير والبركة لكن اللي يلفت انتباهي أختي هو أنتي ما شاء الله عليك مواضيعك جدا متميزه ومثقفه وأضن انه بعض التواقيع بالمنتدى من تصاميمك ما شاء الله عليك ودمك خفيف ملاحظ هذا في بعض المواضيع يعني شامله كل الصفات اللي بسؤالك ،، والصراحه والحق ينقال مجتهده بكتابتة المواضيع لإفادة الأعضاء..شكري وتقديري لك.

الجوااااب الخامس: LooLah : قلت رايي بالجواب الرابع.

DooBa: ما شاء الله عليها مواضيع حلوة وروعة متابعة دائم للمواضيع بس اللي لاحظته انها تحب بالردود التعليقات يعني لازم يكون بالرد تعليق غير الشكر. تحياااتي لها.

عموووووش: خقيقة دم وحبوبة تزرع الابتسامة في كل مكاان مواضيعه شيقة للغاية..تحياااتي الحاره لها.

بقاااايا : مثقفة وجدية في التعامل تسعى الى تطوير المنتدى وفائدة الأعضاء والزوار. شكر خاص لها على هذا المنتدى الرائع اللي جمع فيه أعضاء جدا رائعين ومتميزين.

أحلا ملاك و ندى الورد: أعضاء لهم طلات قليلة لكن بفائدة كبيرة احتراااامي لهم وتقديري.

تحيااااااااااااااااتي لجميع الأعضاء وان شاء الله ما طلع مني اي تقصير

أخوكم

مشكور اخوي على الصراحه بالرد..

واشكرك على هذا الاطراء..

يلا اللي بعدي مدامه للحين مربط على الكرسي اللي يبي يسأله قبل مايقوم..

تحياتي:lool@h

هههااي

انا ابي اسأله ..ينفع سفير والا لاء؟؟؟

هلا والله بقااااايا الروح

بنعطيك أستثناااء هالمره تفضلي واسألي

تحياااااااااااااااتي

أخوك

تسلم اخوي على الاستثناء ...يعني اليوم ما اسالك .. بس اطالع في اسئلة الاعضاء واجوبتك ..حلووو ....

اول شي وقبل الاسئله الاساسيه .. وش رايكم بالمنتدى؟؟قد المقام ..الوانه..شكله...؟؟؟
*************************
الاسئله الاساسيه ....

شخصيـات تكثـر القـراءه عنهـا ؟

شخصيـه تتمنـى مقابلتهـا ؟

اذكـرمقوله اعجبتـك لأي شخص ؟

آيه من كتاب الله قرأتها يوما .. وكأنك تقرئها لأول مره ؟

بيت شعـري تكـثر من تـرديده ويعني لك الكثيـر ؟

حكمـه تعمل بهـا ؟

سمـه اسـاسيـه في شخصيتـك ؟

أيهمـا أقرب لك والدك ام والدتـك ؟

وتقبل مروري ^^!

يا خيتو يا بقاياااا قلنا خمس أسئلة فقط

تحيااااااااااااتي

ياخوي كلهم سهلين ..عااد مشها هالمره .....

لا الاستثناء انك تسألين مره ثانيه

لكن الأسئلة مافيها استثناءات<<<<<< عنيد

تحيااااااتي

شخصيـه تتمنـى مقابلتهـا ؟

اذكـرمقوله اعجبتـك لأي شخص ؟

آيه من كتاب الله قرأتها يوما .. وكأنك تقرئها لأول مره ؟

بيت شعـري تكـثر من تـرديده ويعني لك الكثيـر ؟

حكمـه تعمل بهـا ؟

سمـه اسـاسيـه في شخصيتـك ؟

يااااااااااااربي ... ما احب العناد ...ماعلينا هذولي جاوب عليهم ...واول واحد الزامي تجاوب ياخوي ابي اعرف المنتدى اوكي او لاء ... lol!

بصراحه من ناحية الوان المنتدى..

احس يبيلها تغير ..انا عن نفسي احب الوان الفرايحيه الفاتحه..

وبالنسبه للاسئله الثانيه اعذريني اختي اخذتي حقك بالاسئله والاجابه..

خليها ان شالله اذا جلست مره ثانيه على هالكرسي

اخوك

بقايا وسفير ...

ورا ماتمسكون الكراسيي وتتطاققون أحسن .. Mad

سفير انت ووجهك ليه ماتجاوب عالأسئله كلها كتابه ..وماراح تضر ..

بعد عالكرسي ويتشرط .. Evil or Very Mad

<< أخص يامعصب Laughing

ترا بيوم بنكون مكانك وانت مكاننا ...

وانت بعد بقايــا .. خلاص قالك يبي 5 قولي 5 لاتمصخون السالفه وتتهاوشون ..

احنا مانحب اللي يهاوش ..

<<<< احلفي بس واللي قاعده تسوينه وشو Very Happy

يلا عاد يا سفيرنا جايتك بالأسئله .. ( متعوب عليها سفيرنــا ترا ) Smile

وانا ابي معلوماتك الشخصية .. Very Happy

احم ..

أولاً ... (متعوب عليها هذي ) Very Happy

* وشي المدينة اللي تتشرف بوجودك فيها ؟! يعني وين ساكن مو المدينه اللي تحب تروحلها ؟؟!!

<<< أسألي زي العالم ..

* وشو ترتيبك بين أخوانك ؟!وكم عددهم ؟!

* وشي الوجبة المفظلة عندك ؟؟!!

*اش معنى اخترت " سفير الحب " اسم يوزرك بالمنتدى .. وهو يوزرك الأساسي بكل المنتديلت ولا بس في بقايا الروح ؟!!

واذا كان فيه قصة للسؤال اعلاه اذكرها لو سمحت .. Very Happy

* وش أحلا اسم أنثى عندك ؟ (( مدري وش يبغى ذا السؤال بس ابي اروح الجم تأخرت وماطلع معاي شي ))

اشرايك فيني وانا أسأل ...

ياحبني لي وأنا أستجوب Very Happy

يلا المره الجاية اسالتي غير .. Razz

بقايا وسفير ...

ورا ماتمسكون الكراسيي وتتطاققون أحسن .. Mad

كان هذا الشي بيصير امس لو ماتمالكت اعصابي..

سفير انت ووجهك ليه ماتجاوب عالأسئله كلها كتابه ..وماراح تضر ..

بعد عالكرسي ويتشرط .. Evil or Very Mad

<< أخص يامعصب Laughing

ترا بيوم بنكون مكانك وانت مكاننا ...

مو مسأله كتابه يااخت دووبا..

بس انا قلت من البدايه 5 اسئله ويوم سمحت لها كنت اتوقع منها تعليق مو 5اسئله ثانيه..

وانت بعد بقايــا .. خلاص قالك يبي 5 قولي 5 لاتمصخون السالفه وتتهاوشون ..

احنا مانحب اللي يهاوش ..

لا بالعكس الاخت بقايا عزيزه وغاليه..

<<<< احلفي بس واللي قاعده تسوينه وشو Very Happy

يلا عاد يا سفيرنا جايتك بالأسئله .. ( متعوب عليها سفيرنــا ترا ) Smile

وانا ابي معلوماتك الشخصية .. Very Happy

شتبين بمعلوماتي الشخصيه ??بس يلا بجاوبك عليها..

* وشي المدينة اللي تتشرف بوجودك فيها ؟! يعني وين ساكن مو المدينه اللي تحب تروحلها ؟؟!!

<<< أسألي زي العالم ..

المدينه اللي ساكن فيها الجبيل الصناعيه

* وشو ترتيبك بين أخوانك ؟!وكم عددهم ؟!

ترتيبي الاول..وعددهم 3 بنتين وولد

* وشي الوجبة المفظلة عندك ؟؟!!

امممم مافي شي معين احب كل الاكل (مشفوح)بس احب التشاينيز

*اش معنى اخترت " سفير الحب " اسم يوزرك بالمنتدى .. وهو يوزرك الأساسي بكل المنتديلت ولا بس في بقايا الروح ؟!!

لاني مسجل بمنتدى نبض قلبي بهالاسم وسجلت فيه هنا بعد

واذا كان فيه قصة للسؤال اعلاه اذكرها لو سمحت .. Very Happy

في قصه لليوزر بس حقوق الطبع محفوظه مااقدر اقول..

* وش أحلا اسم أنثى عندك ؟ (( مدري وش يبغى ذا السؤال بس ابي اروح الجم تأخرت وماطلع معاي شي ))

امممم احب اسم ريما

اشرايك فيني وانا أسأل ...

ياحبني لي وأنا أستجوب Very Happy

يلا المره الجاية اسالتي غير .. Razz

ومشكوره اختي على الاسئله الخفيفه

اخوك

طيب .....

* انت علمي ولا أدبي ؟!

* اذا كنت علمي جاوب على هالسؤال..

وشي الطريقة اللي تحل فيها هالمسألة .. الطريقه بس مو تقعد تسرد لي الحل كامل Very Happy

( س - 3 )تربيع + (ص + 4 )تربيع = 81

وأدبي ..

في أي عام انفصل الأتحاد السوفيييتي ؟؟!!

* اذا كنت بالجبيل .. وين شركة الجميح بالضبط كل شوي قوله عشان اتخيل اني اروح لها كنك توصف لأحد ؟!

* وبعد وشي الكلمة اللي كانت مشهورة في الجبيل الصناعية أنكتبت عالجدران ؟!!

* مين قدوتك ؟؟ واش اللي تحب تاخذ من صفاته ؟!!

أنا علمي

وشغال بشركة الجميح اللي على طريق الخبر لأن الجبيل مافيها فرع للشركة

يعني كل يوم رايح جاي على الخط

والكلمة اللي انتشرت (بنســـــاك)

وتراك زدتي عن خمس أسئلة انا عقدي معكم خمس أسئلة باليوم من كل عضو

ولا أحد يزعل اللي أول شرط آخره نووووور

تحيااااااااااااتي

» مباارك الاشراف سفير الحب ...
» من ترشحون على كرسي الاعتراف ..
» هذا طلبك اخوي سفير..
» ايام التسدح قدام القناه الاولى
» شعر الحب **يضحك